المشاركة الأصلية كتبت بواسطة YoU_SeF

نسيت متى مقدّم على الجامعة هههههه
على العموم بالموقع رسالة غير مرشّح و بالجوال وصلني رجاء حضوركم اختبار الوظيفة .. إلخ
وحاط لي موعد 20 رمضان الساعة 2 ونص الظهر, متخيلين أروح ويقول لي لا يبوي أنت غير مرشّح و يالله أرجع لديرتك :]
مافيه أمل أروح لو يعطوني قبول مباشر الحين.
الحمد لله توظفت في قطاع خاص و بنفس الوقت تم قبولي لبرنامج الماجستير, لكن اللي أنا مستغرب منه الاستهبال و تعليق الناس على شغلة ماتحتاج أسبوعين بالكثير.
الفرز و غيره ما يبي له شيء إذا فيه ناس تشتغل بذمة و ضمير, أساساً من التقديم نفسه تقدر برمجياً تطلّع نقاط المتقدمين و خذ لك أول خمسين شخص و سو معهم مقابلات و كلها شغلة أسبوعين ومنتهين و اللي انقبل قله انقبلت و اللي مانقبل قله ما انقبلت.

أما سالفة أقدم عليك و أتزوج و يجيني عيال و يدخلون عيالي المدارس و أصير حول تقاعد و ترسل لي رسالة الرجاء الحضور للاختبار فهذا دليل على إن المكان نفسه فيه مشكلة و المسؤولين عنه مايستحقون راتب آخر الشهر.

المشاركة الأصلية كتبت بواسطة ad_9

جتني رسالة حضور اختبار لوظيفة حاسب مساعد ٢٠ رمضان مع ان في الموقع مكتوب غير مرشح !!
ايش العلم انا من ديرة ثانية واخاف احجز وخساير وفي النهاية يقولون لي غير مرشح

المشاركة الأصلية كتبت بواسطة Allordmhm

ياشباب احد عنده علم عن وظايف مهندسين الحاسب الآلي باشروا عملهم اولا ؟
لاني مكتوب في الموقع تم ترشيحك للمقابله الشخصيه يعني اذا ماقبلونا على الاقل يكتبون في الموقع لم يتم قبولك وخلاص يريحونا بدال مانخش يوميا ونشيك وننتظر والله الانتظار صعب ياجماعه

المشاركة الأصلية كتبت بواسطة rosy99

السلام عليكم
اخي انت دخلت المقابلة الشخصية؟؟؟ و متى كانت؟؟؟
أظن راح يعلنون النتائج دفعة وحدة لجميع المرشحين اذا ما كانت الأسبوع القادم فما فيه الا بعد العيد اذا ما كانو اعلنوها أصلا و حنا ما وصلنا الخبر
فعلا الانتظار صعب لكن ماباليد حيلة
اذا صار عند اي احد خبر ممكن يبلغنا جزاكم الله خير
و الله المستعان