محتاجة مشورة شخص له خبره بالتصاريح ودعم المشاريع

سأكون يومًا · #1 (**permalink**) 31-10-2017, 12:13 AM

السلام عليكم، صباح الخير

أنا مصممة أزياء ومن زمان حلمي أفتح لي مشغل أو معمل خياطة عشان أنتج تصاميمي
أخذت دورة خياطة على أساس يقبلون يعطوني قرض لكن ما قبلوني

والحين أفكر إني أجيب خياطة وأستأجر بيت دورين ويصير المشغل تحت وأنا أسكن فوق لكن السؤال هنا

-هل أقدر آخذ تصريح لمثل هذا المشروع؟
-وهل يشملني دعم المشاريع الصغيرة اللي ٣ آلاف بالشهر؟

إلكترونيك · #2 (**permalink**) 31-10-2017, 01:53 PM

اقتباس:

المشاركة الأصلية كتبت بواسطة سأكون يومًا

السلام عليكم، صباح الخير

أنا مصممة أزياء ومن زمان حلمي أفتح لي مشغل أو معمل خياطة عشان أنتج تصاميمي
أخذت دورة خياطة على أساس يقبلون يعطوني قرض لكن ما قبلوني

والحين أفكر إني أجيب خياطة وأستأجر بيت دورين ويصير المشغل تحت وأنا أسكن فوق لكن السؤال هنا

-هل أقدر آخذ تصريح لمثل هذا المشروع؟
-وهل يشملني دعم المشاريع الصغيرة اللي ٣ آلاف بالشهر؟

وعليكم السلام ورحمة الله وبركاته ..

هلا بك ..

جميلة جدا مهنة الخياطة وتصميم الأزياء ..

لكن لدي مشورة لك وهي جميلة لمن وعاها وفهمها .

لماذا لا تستغلين غرفة في منزلك وتشترين لك مكينة خياطة وملحقاتها ,... وتبدأين تخيطين وتصورين وتعرضين في أي

متجر إلكتروني يكون لك حساب فيه ..

أوفر لك بكثير من موضوع استقدام خياطة واستئجار مكان وراتب وزيارات مفاجأة للجهات ذات العلاقة وملاحظات وغير

ذلك ..

فكرتي جميلة جدا المهم استغلالها والاستفادة منها بالطريقة الصحيحة .

دمتي بخير .. وأي استفسار أنا حاضر .

سأكون يومًا · #3 (**permalink**) 02-11-2017, 08:32 PM

طيب أنا لو أصريت على هالمشروع،

-هل أقدر آخذ تصريح لمثل هذا المشروع؟
-وهل يشملني دعم المشاريع الصغيرة اللي ٣ آلاف بالشهر؟

إلكترونيك · #4 (**permalink**) 02-11-2017, 11:46 PM

اقتباس:

المشاركة الأصلية كتبت بواسطة سأكون يومًا

طيب أنا لو أصريت على هالمشروع،

-هل أقدر آخذ تصريح لمثل هذا المشروع؟
-وهل يشملني دعم المشاريع الصغيرة اللي ٣ آلاف بالشهر؟

نعم بإمكانك التوجه إلى وزارة التجارة وأخذ الشروط اللازمة لذلك ..

ثم التوجه للبلدية وأخذ الشروط اللازمة لذلك .

ثم الغرفة التجارية لعمل اشتراك بها .

ثم الدفاع المدني لمعرفة الآلية في شراء أدوات السلامة .

والله يرزقك من واسع فضله .

هذا ما أعرفه عن مثل هذه المشاريع .

معهد رياده · #5 (**permalink**) 03-11-2017, 03:33 AM

اقتباس:

المشاركة الأصلية كتبت بواسطة سأكون يومًا

السلام عليكم، صباح الخير

أنا مصممة أزياء ومن زمان حلمي أفتح لي مشغل أو معمل خياطة عشان أنتج تصاميمي
أخذت دورة خياطة على أساس يقبلون يعطوني قرض لكن ما قبلوني

والحين أفكر إني أجيب خياطة وأستأجر بيت دورين ويصير المشغل تحت وأنا أسكن فوق لكن السؤال هنا

-هل أقدر آخذ تصريح لمثل هذا المشروع؟
-وهل يشملني دعم المشاريع الصغيرة اللي ٣ آلاف بالشهر؟

وعلييكم السلام بعطيك الي عندي

اولا الاجراءات كتالي

تقدمين على معهد رياده لمشروعك عن طريق موقعهم
ويجيك موعد المقابله الشخصيه تاخذين جميع اوراقك

كيف تجتازين المقابله عشان تكملين خطوات المشروع ؟
لازم تكونين ملمه بالمشروع من جميع تفاصيله الصغيره والكبيره وعندك خلفيه في اداره المشروع

االمرحله الثانيه من اجتياز المقابله
تدخلين دوره مقدمه من معهد رياده الاعمال الوطني دوره ابدا مشروعك لمدة اسبوعين برسوم 1000 ريال مسترده مع قيمه القرض

@@الدوره مبدئها كيف تسوين دراسه جدوى لمشروعك بنفسك والي عليك بس تجيبين معك تسعيرات للاجهزة الى تحتاجينها لمشروعك دوره ممتعه عن حق وحقيقه سبق واخذتها

المرحله الثالثه بعد الدوره
تكملين اوارقك في بنك التسليف ولازم كفيل غرامي

###القرض عباره عن 4 دفعات ولكل دفعه لها شروط مقيده لصرفها ###

*** عن تجربة سابقه لي شخصيا بعطيك تعليمات مهمه لنجاح مشروعك في اوله وبدون تعثر في بداياته

###تعليمات مهمه ركزي عليها

الدفعه الاولى تنصرف لك بدون اي قيود تذكر لاكن انصحك بانك توقفين امر صرفها لاسباب

1\عندك مهله بنك التسليف لدعم المشاريع 18شهر بدون تسديد القسط تبدا تنقص في حال بدا صرف الدفعه الاولى

1\ اي دفعه تصرفلك يعطونك مهله 6شهور فقط لحين صرف دفعه ثانيه
##مثلا صرفتي الدفعه الاولى شهر 1 وما طلبتي صرف الا بعد مضي 6شهور يقفلون قرضك نهائيا لتعثره

3/ دفعات الصرف مقسمه كتالي وكل دفعه مرتبطه مع بعض

الدفعه الاولى 15%
تنصرف بدون قيود او شروط لان الدفعه الثانيه مرتبطه بوجود العقد عشان كذا صرف الدفعه الاولى بدون قيود

الدفعه الثانية 25%
تنصرف في حال وجود العقد مع الرخص الازمه للمشروع مثل البلديه والدفاع المدني

الدفعه الثاله 35%
تنصرف في حال وجود فواتير لكامل المبلغ (حتى الريال يحاسبونك عليه)

الدفعه الرابعه والاخيرة 15%(دفعه تشغيليه تنصرف بعد تشغيل المحل _ زياره من معهد رياده وبنك التسليف )

بعد التركيز على المعلومات واخذها للامر الواقع نكمل موضوعنا

صرف الدفعه الاولى بدون قيود لاكن انصحك بالبحث عن الموقع اولا لاخذ العقد لان الدفعه الثانيه مرتبطه بوجود العقد

تعطين بنك التسليف امر صرف الدفعه الاولى وتستاجرين الموقع على طول وتاخذين عقد الاجار وتعطينهم امر صرف الدفعه الثانيه منها تسددين الاجار لانهم من دراسه الجدوى يعطونك اجار 6شهور ولو كنتي ذكيه تقدرين تسددين سنه كامله لان صرف الدفعه الاولى بدون قيود مع الدفعه الثانيه تقدرين تسددين الاجار كامل

لقيتي محل قدمي على امر صرف الدفعه الاولى وخذي عقد الاجار الى بنك التسليف واعطيهم امر صرف الدفعه الثانيه ولا تشترين بها اي شي وقدمي الاجار عل كل شي والمبلغ الفائض اشتري به مستلزمات المشروع

اخذتي الدفعه الاولى بدون قيود تذكر واخذتي الدفعه الثانيه مع وجود العقد والتصاريح

نروح للدفعه الثالثه ومتطلباتها

الدفعه الثالثه تصرفلك في حال وجود فواتير من الدفعه الاولى والثانيه

صرفتي الدفعه الثالثه وهي اكبر نسبه من بين الدفعات لانها خاصه بنشاط المشروع لانهم يطلبون منك تشغيل المحل بعد الدفعه الثالثه ولازم تكملين مشروعك بما هو موجود من دراسه الجدوى من اجهوة وغيرها

الدفعه الرابعه الاخير يسمونها خزينه للمشروع وهي نفس الدفعه الاولى ولاكن يعطونك بعد تشغيل المحل باول شهر ولازم وجود فواتير الدفعه الثالثه

طريقه دعم الموادر البشريه لمشروعك
بعد تشغيل المحل تروحين لمعهد رياده وتكملين اوراقك من عقد اجار وصورة للهويه وصوره من التامينات الاجتماعيه ورخصه المحل عندهم وهم بدورهم يرسلون الاوراق الى صندوق الموارد البشريه وتنتظرين من شهرين الى 3شهور

@يصرفون لك 3000شهريا بدون انقطاع لمده سنتين

##فرص عليك تستغلينها وهذا يعتمد على مدى سرعة انجازك لها

الفرصه الاولى

1\عندك مهله القسط انك ما تقسطين بنك التسليف 18شهر بواقع سنه و 6 شهور تنقص من بدايه صرف الدفعه الاولى وهذا مثل ما قلت يعتمد على مدى سرعة انجازك للمعاملات

2\ عندك الاجار لو وفقك الله تقدر تنجز محلك وتشغله في 4 شهور

3\ واهم حاجه عندك دعم المشروع المقرر 3000ريال يرتبط بفتره الرخصه اذا مضى على اصدارها سنه كاملة انسى الدعم عشان كذا اقولك خلك سريع في انجازات معاملاتك

واتمنى قراءه الموضوع بشكل واضح لك او لغيرك واي نقطه مش واضحه انا هنا باذن الله

واي استفسار اخر بخصوص المشروع وطريقة نجاحه المنتدى موجود وما نقصر ان شاء الله

والله يوفقك يا رب

معليش وش سبب رفض طلبك ؟؟ليه ما تبدلين شهادتك وتاخذين دورة في اي مشغل عشان تكون فرصتك قويه لقبول طلبك