مآجمل الآمل & سلطان تبوك & ساهيةالبال &

سراق القلوووب & عاطله وتوظفت & أهون عليك &

سيرياليه & ضاع العمر ’’’’’’’’’’’’ تحيه معطررره وبعد


لا اعرف كيف اشكركم لوقوفكم الى جانبي وتفاعلكم مع قصتي صبرت لين صبري ملني

بس يا اخوان ببساطه اقدر اكلم مدير المستشفى وهو اقل مافيها او الاكيد انه بيكلم الشركه انهم يزودون راتبي

طبعا الشركه ماتسترجي تقول لا بس بالمقابل بتصير توقفلي على الشعره

اذا وحنا حبايب اتفاجأبعض الاشهر يجيني الراتب ناقص ليش حسميات غياب

وش رايكم اشتري راحتي لين مالله يفرجها ,,,,, انتضر طرحكم

اخوكم... سكاكي

حياك الله سكاكي
لاشكر ولا غيره اخون ونعيش نفس المحن
توكل على الله وكلم المدير وتفاهم معه
وبلغه ان مدتك عندهم تجاوزت السبع والراتب المفروض يكون افضل لانك خبره مو بسيطه والناس الحين تطلب خبرة 2او3 سنوات وان ماشاء الله 7
وبرضوه بلغه بموضوع الخصم اللي كان عليك
وانك احتراماً وتبريراً لمكانتهم عندك ماتكلمت
والحين بلغ السيل الزبى
والافضل اخوي سكاكي تضل بهالوظيفه الين مايفتحها عليك ربي
والله يفرجها عليك لانك خبره والمفروض تقدر بثمن
والله يوفقك يارب

نصيحة إنتقل لشركة ثانية بنفس إختصاصك وبتاخذ راتب أعلى إن شاء الله

اخوي سكاكي أنصحك تستخير..(( ماخاب من استشار الخالق)) تلزم الأستغفار..
وتكلم المدير ولاتسكت عن حقك وانت تستاهل أكثر منه والله يوفقك

اخواني اسعد الله اوقاتكم بالخير والنور من جديد اشكركم على تفاعلكم
الي ينم عن شدة وعيكم واستيعابكم لمثل هالمشاكل

ابشركم امتلكت الجرأة اليوم بعد تحليل نفسي طويل وتفكير اكلم مين او كيف افتح الموضوع الموهم يوم الثلاثاء الصباح بعد الفطور طلعنا انا ورئيس القسم
نتمشى بالشمس شويه وجتني الجرأه او الثقه اني اقوله وش رايك يابو فلان عاجبك وضعي انا معتبرك قبل مدير اخ وصديق وماخبي عنك شي عاجبك الي يسوونه الشركة معاي وذكرته انه وعدني كم مره وانا شخصيا ماعندي اي استعداد اروح لمدير الموقع وقوله متا تزودوني يابو فلان وخرجت عن طوووري وقمت اشرحله ايش الي احس فيه
وان المصري يستغفلني استغفال ونا مسوي روحي راضي بقليلي وعلى فكره بإمكان المصري مدير الموقع بورقه صغيرة اسمها زيادة راتب اكتبها ويوقع عليها هو وامين المستودع وتلفون واحد للمكتب الرئيسي للشركه والله لو يقولهم اعطوه 4000 صدقوني مايسألون وغير ثاني شهر بتجيني الزيادة .
تقدرون تقلون رئيس القسم الي هو تابع للوزاره يصير المشرف المباشر على الشركه
طبت فيه (الحميه) او النخوه على قولتهم وقالي ابشر انا بضعط على فلان مدير الموقع واخلية يرسلك ورقه زياده انا احسبهم زايدينك وماعليك ومايصير خاطرك الى طيب ,,, ودخلنا للمطبخ
والحين دعواتكم كم يزودوني تتوقعون مع العلم اني قلت رئيس القسم انا ماني طماع
قالي ابسط حقووقك

وفي النهايه اسف على الاطاله لاكن وش انسووووي مارفعت راسي وشفت الي كتبته غير يوم خلصت ....

تحياتي وتقديري لكم ,,, ســـــــــــكــــــــــاكـــــــــي

يحرم قصة جميلة ياسكاكي أنت ممثل موهوب فيه أحد يشتغل سبع سنين على 1200ريال سعودي لو قلت يورو ماشي

الله يقوي صبرك ماشاء الله


اولاً اخوي ماشاء الله تبارك على صبرك على راتب 1200 طوال 7 سنوات

ثانياً انا اقول خذ ورقة من عملك تثبت انك عملت 7 سنوات واذا تقدر تاخذ شهادة خبره من عندهم ووحسن سيره ومواظبه في العمل بكذا أنت ضمنت نقطه مهمه

ثالثاً بعد ماتأخذ الاوراق والاثباتات تكلم المدير عشان مشكلة الراتب والزياده فيه اذا تفهم الوضع كان بها ماتفهم الوضع تروح لمدير المستشفى اذا فادك كان بها مافادك


انت في الاخير ضمنت شهادات واثباتات منهم وبرضو تعاملت معهم بالطريقه المثلى وبعد كذا مافي احد بيلومك اذا شكيتهم

وفي نفس الوقت بإمكانك تشوف لك شغله ثانيه وراح ان شاء الله تنفعك الشهادات










(( في الاخير انصحك من مواصلة الدراسه الثانويه إلى جانب العمل ))

لك خالص ودي وشكري
والمعذره ع الاطاله

والله هذا استغلال المفروض
تتكلم تشوف
لان من جد 7 سنوات خبره وللان 1200
ترى والله العظيم فيه ناس تستغل ولايفكرون يرقون ولايزدون بالرواتب
دام انت ساكت عليهم خلاص خله يكرف ويفكروك راضــي
لكن لو ناس غير تتكلم وماتسكت عن حقها والله يحطوهم فوق راسهم وخصوصا انك خبره معهم 7 سنين .

يعني لو معك شهادة كفاءه تقلل من قيمتك بنفســك ؟؟

غلط صراحه لا تحاول تفكر في كذا لو لك حق لازم تطالب فيه

الله المستعان