السلام عليكم ورحمة الله و بركاته
اخوكم من المقبولين في الدورة (25) القوات الجوية
حاب اكتب لكم كل شي صار معي شخصياً
و بتفصيل الممل

للستفاده و عشان محد يضيع للي بيقدم مثلي
تقرير كامل مفصل عن الي صار معي
و اي استفسار انا تحت امركم ....

با البدايه جتني رساله على الوتساب من احد اخواني فيها موعد تقديم للقوات الجوية كان في يوم 5/9. شهر رمضان و قدمت على طول التقديم سهل و عادي تقدر تقدم من الجوال ولا يحتاج منك كمبيوتر بعدها ضل التقديم فاتح مدة خمسه ايام بعده قفل الموقع

و طلعت رساله انه راح تطلع نتايج القبول المبدئي يوم 16 /9 انتظرت الى 16/9 ولا فتح الموقع كان ضغط عليه ولا فتح معي لا من جوال ولا كمبيوتر انتظرت بعده با يومين الى ثلاثه و جتني رساله بعد الفطور الساعه 8 كذا

مكتوب فيها
( تم قبولك مبدئياً في تجنيد القوات الجوية وعليك مراجعت الموقع )
روحت بعدها للموقع مكتوب موعد لي يوم 26/10 و فيه اوراق تطبعها الي هي

1-استمارة القبول 2- برنت من الاحوال المدنية 3-صورة بطاقة الاحوال 4-صوره من مؤهلك الدراسي 5- شهادة خلو سوابق من الادلة الجنائية 6- كرت العايلة للوالد 7- تعهد انك تتعين في اي محل و تقبل برتبتك ولا تطالب برتبة اخرى 8- تذكرة مراجعه

بعدها تعبي الاستمارة كامله و تروح الاحوال المدنية تاخذ لك برنت و تطلع بعدها على الادلة الجنائية ياخذون بصماتك و لازم تجيب معاك ((صورة شخصيه مهم جداً )) و يعطونك موعد بعدها ترجع تاخذ كرت الادلة الجنائية بعدها تاخذ الاستماره مع التعاهد و تروح على العمده تختمها و تصورها في ملفين و بعدها انتظرت الموعد الصباح

صليت الفجر و لبست و طلعت على التجنيد الموعد كان 7 ونص روحت عندهم
طلعت من الملف صورت المؤهل و صورة بطاقة الاحوال و كرت العايلة شوي نادوني
ياخذون الطول و الوزن و كلن متساهلين جداً جداً يعني النحيف و المتين شوي ينقبل و الطول و الوزن مره وحده بس
بعدها جلسونا ابو ساعه كذا و قالو يالله مقابله شخصيه

المقابله الشخصيه تخش اثنين اثنين
1- لا تتوتر
2- خلك واثق من نفسك و لا تخاف
3- خل صوتك عالي

تخش توقف على شريط احمر قدامك و تقول اسمك بصوت عالي
قدامك خمسه او سته ضباط
يسئلونك اسئله تافهه مثل من هو وزير الدفاع من هو امير المنطقه بس يبغون يشوفونك
بعدها تروح لمدير الاجنه يسئلك سوال واحد و يمكن ما يسئلك
بعدها طلعت قالو لي انتظر اتصال منى بعد ثلاث اسابيع
و فعلاً ما طولو ثلاث اسابيع بتمام و الكمال دقو علي يوم الاربعاء قالي العسكري
السلام عليكم ممكن تمر علينى بكره معاك ملفك و اربع صور شخصيه الساعه 8
قلت له خلاص اوكيه بعدها اليوم الثاني لبست و شلت ملفي و روحت لهم

العدد قليل ما يتعدون 15 نادونى با الاسم و تروح عند العسكري تحط ملفك و يشوف الاوراق كامله ولا لا و يعطيك ورقه تصديق شهادة توديه للجامعه

للامانة كلهم العسكر هناك متعاونين جداً و ودودين ولا فيهم احد عبوس الوجه من اكبر واحد فيهم الى اصغر واحد فيهم

بعدها روحت الجامعه صدقت الشاهدة و رجعت اليوم الثاني لتجنيد و قالي تاخذ موعد لك عند مستوصف القوات المسلحه للكشف الطبي و تجي بدري الساعه 6 ونص.

الكشف الطبي لازم قبلها تكون شبعان نوم نصيحه لا تروح مواصل
و تعال بدري لني تاخرت و يالله دخلني

تروح عندهم يطلع ورقتك حقت الكشف بعدها يقول روح اجلس في الانتظر
جلست ابو ساعتين كذا بعدها نادونى با الاسماء

اول شي كشف قلب و صدر

و بعدها نتظار ساعه
تروح عند دكتور
كشف نظر و عمى الاوان و كشف على البطن و العضلات لتاكد من خلوك من العمليات

و بعدها يكشف على (البتاع) عشان الدوالي

و بعدها انتظرت ساعه ونص و قالو يالله على دكتور النفسيه

دكتور النفسيه لا تتوتر عنده خل كئنك تسولف مع خويك ولا تشبك يدينك ولا تشبك رجلينك وخلك واثق جداً من نفسك ولا تكذب عليه

اسئلته اسمك وين ساكن اشوف اسنانك ليش ما فرشت اسنانك قالي بعدها ايش تعرف عن القوات الجوية و زي كذا اسئله عاديه الموضوع حقه اخذ معي ابو 4 دقايق كذا

بعدها قالو تروح المختبر
و الحلو في الموضوع انك كل مره تاخذ ورقتك وتشوف نتيجتك اذا نجحك ولا رسبك

بعدها روحت المختبر قالي تجي موعد بعد عيد الاضحى يوم 19 /12

عيدنا و خلصنى و جا موعدي كان عددنا حول 15 اخف من المره الاولى كان عددنا فوق 50

نصيحه قبل الموعد اشرب مويه قد ما تقدر ثلاث اربع علب قبل لا تجي خلك حشران فل

دخلت عليه حضرني و عطاني علبه و قالي عبيها كرمتو و ما كان معي شي و هو يقول لازم تفللها

قالي خلاص روح اشرب مويه و ارجع على. 9 ونص

روحت المحطه و نزلت البقاله شربت ماء و رجعت فل
اخذت علبتي الاوله كرمتو و اطقها له طقه وحده

طبعن نسيت قبلها يبصمك على العلبه حقتك و على ورقه اثنيه
بعدها روحت على حق الدم و كان يده قاسيه دخل الابره في يدي بعنف كذا كنه ما يبغى يشتغل

سحب من ثلاث عينات دم و قالي خلاص روح
متى النتيجه قالي بعد 13 يوم

جيت لهم بعد 13 يوم قالي ارسلناها مع مندوب جا اخذها
اتصلت على مكتب التجنيد قالو لي خلاص نجحت في الكشف الطبي و انتظر الفرز النهائي يوم 15 /1

يوم الفرز النهائي الله لا يوريكم واصلت الى الصباح و قلت بس النتيجه اليوم تطلع كان يوم خميس و انتظرت الى الضهر ما جا شي
العصر مافي شي
المغرب زيها
العشاء ما جا شي
و طبعاً كل شوي يدق علي واحد يقولي ها بشر طلع شي ولا لا
غير الانتظر هذا كريه يا رجال اعوذ بالله
المهم مالكم بطويله
طلعت النتايج الساعه 9 بليل
فتح الموقع مكتوب
نبارك لكم قبولكم النهائي في القوات الجوية و عليكم مراجعت مركز التجنيد يوم 9 /2

بعدها با نص ساعه كذا جتني رساله على الجوال اني انقبلت
مكتوب فيها (نبارك لكم قبولك النهائي في القوات الجوية و عليك مراجعت الموقع)

نجي الى يوم المراجعه
روحت لهم العدد مهو كثير تقريباً حول 15 او اقل عطوني ملفي و قالو لي صوره نسختين في ملف علاقي اخضر
و جيب معاك صورة لرقم الايبان للبنك عشان ينزلون لك رواتبك عليه بعدين

خلصت هاذي كلها بيوم و طلعت عليهم اليوم الثاني عطيتهم الملفات و قالو انتظر في الصاله

فجئه طبت علينى لجنه تحليل ****** قبل الدورة

طابور با الاسم بصمتك على الورقه و على العلبه مع رقم هويتك و اسمك كامل و تروح على دورة المياه كرمتو و تعبيها
و تحطها بصندوق عند الباب و تمشي قالو لنى تعال الاسبوع الجاي خذ قرارك

جا الاسبوع الي بعده ولا جت القرارات بسبب انه لسى الدفعه الي قبلنى ما تخرجو الي هم الجندي و الوكيل رقيب
((و باذن الله اكمل لكم اذا جا قراري و خلصت الدورة عن كل شي صار معي في الدورة ))
و اي شي استفسار انا تحت امركم

بيض الله وجهك كفيت و وفيت

متى يفتح التقديم عليه وايش الشهايد اللي يقبلونها؟

[QUOTE=عريف طيار;9061353]الرتبه عريف دبلوم حاسب الي سنتين

الي معاه ثنوي جندي
دبلوم تقنيه او كلية المجتمع عريف
جامعي وكيل رقيب
شهادة حاسب اللي ست شهور جندي اول
التخصصات الجامعية الي اذكرها
شريعه و لغة عربية وفيه كمان تخصصات بس ما اذكرها الحين والله

حامل انيميا يقبل؟
مبروك القبول اخوي