ماني من اللي يطـردون القراطيـس
وهي عندهم كبـر الجبـال الرواسـي
ولا حب جلسات الرجـال المعابيـس
أهـل البشـوت معذبيـن الكراسـي
ومأهز راسـي حيـن دق المراويـس
وش هولـه أدوخ بالخرابيـط رأسـي
أنـا هوايـه ريـح بـن المحاميـس
اللي يطيّـر مـن عيونـي عماسـي
فـي مجلـسٍ ماخربـوه الدنافـيـس
ولا دار فنجالـه بكـف الخسـاسـي
وإبكار جدي والغزايـز مـن العيـس
حليبـهـا مـأبـدلـه بالبـبـاسـي
وريحه رحولي كنهـا عطـر باريـس
يسوى ظهرهـا بالطعـوس التكاسـي
وطفطوف رجـمٍ برّدتـه النسانيـس
خلّى الثرا والفقـر عنـدي سواسـي
في راسه أسمح للدمـوع المحابيـس
تقطر علـى أرضٍ رملهـا مايداسـي
متلطـمٍ وأرقـب بعيـد المرامـيـس
والحزن في وسط الحشـى مايقاسـي
عن خوة الأنـذال رمـت النواميـس
لن الوفاء في طبعهم شـيء اساسـي
غـز الظهـر بمّعكفـات الدبابـيـس
أشـد مـن دق النحـر بالمـراسـي
وإن دار عن ناسي براسي وساويـس
أنسى خطـأ ناسـي ومانـي بناسـي
يامشبّهن شمس الضحـى بالفوانيـس
خطـاك بالضلعـان مالـه مقـاسـي
وش جاب صوص الديك عند القرانيس
والا سراحيـن الـخـلا للبسـاسـي
وكريم في مالـي بخيـل الاحاسيـس
ومن يعطي الثنتيـن يلقـى المأسـي
أكتم شعوري داخلـي وألعـن أبليـس
وأطى على خـد الهـوى بالمداسـي
الروح ملّـت مـن منـام الكوابيـس
عيـا يـروح مـن عيونـي نعاسـي
حـب النحايـف بـارزات الكراديـس
صايـب خلايـاء مخنـا بالتمـاسـي
جانا الهوى وحنـا طفـارا مفاليـس
وصرنا نطامر فـوق عقـمٍ سياسـي
لمّ الدراهـم مشكلـة فاضـي الكيـس
لجل العروب اللـي تجيـب الطياسـي
يارب عفوك يـوم كانـوا ملاحيـس
أنتـه رحيـمٍ مـا خبرنـاك قـاسـي
العيس : يعني خيار الإبل .
الطفطوف : هي الصخره الكيبره المائله والتي تكو ن في قمه الجبل .
رمت : يعني أحب
المراسي : هوي مايثبت به حبال الخيمه او حبل الخيمه ويدق في الأرض ( يعني طنب )
لمّ : يعني جمع .
وسلامتكم طالة عماركم
05-11-2008, 10:34 PM
العرض الشجري
