بيض الله وجهك يا اخوي منتم والخدمات الخاصه

والتصوير يارجل مالي فالمشاكل ووجع الراس ان كان صورت فانا بصور موظفين شركتنا

اصلا النفس عافتهم لكن عشان القسط واهلي بتصبر

لكن عندي سؤال

هل لو طلبت منهم ينهون خدماتي بدون استقاله بيوافقون ولا لا وكل تعامل معهم بأوراق ومستندات مثل ما قلت يا اخوي
لاني حاليا لقيت وظيفه بس منتظر الاتصال وادعو لي ان الله يجيبها

فا هل لو طلبت انهاء خدماتي بعد ما احصل الوظيفه بيوافقون ولا لا

جرب اطلبهم و خلي اسبابك واضحة بأنك تبي تستفيد من برنامج ساند

لا تتكلم ولا تقول انهوا وإذا سألوك قول لهم أن اريد العمل ومحتاجها من باب النرفزة لهم و لا اريد الاستقالة ولا توضح نيتك لانهم لو علموا انك تريد ساند ممكن يخربوا عليك وخليك ذكي لاخذ حقوقك بالانهاء .

انا من رايي اطلبهم

اخواني مسيتو بالخير

حاليا في الشركه اجبار بعض الحراس على الاستقاله وفعلا استقال معظم الحراس هل اذا رفضت الاستقاله معي حق ولا اخاف يطلعون لي بشي اكبر مني وتضيع حقوقي انا ماني مستقيل لكن وش اقول لهم اذا طلبو مني الاستقاله

ابشركم يا اخوان رفضت الاستقاله + سجلت كل محادثاتي معهم مدير الامن والموظفين فالشركه الاداره العامه قالو ممنوع تدخل على مدير الموارد انت وش تبي وحنا نوصل له الكلام قلت في بدايه كلامي ما ابي افصل وشوفو لي وظيفه بدياه طبعا مدير العلاقات العامه هو جسر بيني وبين مدير الموارد ماخلوني ادخل ينقل كلامي ويرجع قال مافيه الاسواقين نقل ثقيل تبي ولا معليش قلت مقدر علي مخالفات ولاعندي رخصه عمومي قال استقل قلت لا انهو خدماتي فصل يعني واذكرو السبب اعاده هيكله يعني تفصلوني على ماده ٧٧ طبعا بعد اخذ ورد قال قبلها بنفصلك على ماده ٨٠ قلت لهم لا انتم اللي استغنيتو عني وقلتو الشركه مسويه اعاده هيكله المهم بعد عناء وشد وجذب قلت افصلوني على ٧٧ وحقوقي ومكافئتي تجيني كامله وجيت ابطلع وقلت له عشان اتاكد و قالي حقوقك وكل مستحقاتك الماليه بتنزل لك مع الراتب وشهاده الخبره راجعنا وخذها المهم نزل راتبي امس وماجا معه شي ... السؤال هل شغلي الى الان صح و ايش الخطوه القادمه اذا ماعطوني حقوقي او جحفلوني وفصلوني على ماده ٨٠ (مع اني منذر مدير الامن قلت له ترى ان فصلوني على ٨٠ شكيتهم قال اشكهم انا مالي دخل ومسجل المحادثه معه )

شغلك صح
لا يختلف ولا تصارخ وتعصب
خلك رايق و هادئ
تعجبني