12-12-2017, 10:33 PM
|
 |
عضو نشيط
|
|
تاريخ التسجيل: Mar 2015
الدولة: جـــــدة
المشاركات: 181
معدل تقييم المستوى: 2513975
|
|
♒ ♒ بقـــــــــــــول لـك شــــي ♒ ♒
شحيّت عني بشوفك صار لك مدّه
واليوم صوتك بعد شحيّت به عنّي
قبل أمس لك صدّةٍ واليوم لك صدّه
زودٍ على مابي من طعون تطعنّي
إن مات شوقك فشوقي واصلٍ حدّه
وإن كنت رايق فعقبك ماضحك سنّي
أرخي لك الحبل وأنت تعوّد تشدّه
صار الجفا فنّك وصار الوفا فنّي
هذي سواياك باللي خصّك بودّه
تعيشّهْ في عذابك وأنت متهنّي
هذا جزا اللي هواك وجاك من جدّه
عاش يتمنّى وقِضَى العمر متمنّي
الله حسيبك بقلبٍ صار مسودّه
والله حسيبك بحالٍ صار متدنّي
صبري قضى والليالي السود ممتدّه
العمر توّه وأشوف الهمّ زابنّي
عزّي لمن مثلي الدنيا صفت ضدّه
ربه كتب له يعيش العمر متعنّي
ياصاحبي صاحبك كفّه على خدّه
يغفي له شوّي ثم يفزّ ويونّي
يضرب بيدّه من الضيقه على يدّه
ومن الحزن يعتلي المشراف ويغنّي
ياصاحبي والدروب اليوم منسدّه
وش عاد باقي بعد ماخاب بك ظنّي
قال المثل شيِّ منّه تستحي بدّه
بقول لك شي في صدري وغابنّي
قلبي وداعه مَعَك تكفى لي تردّه
هاته بما فيه واللي لك خذه منّي
لا ما أبي منْك لاحاجه ولا مدّه
أبي اتصالٍ على حالك يطمنّي
من عيد لاعيد دقّ وأصحك تهدّه
يمكن ليا دقيت رقمي قلبك يحنّي
التعديل الأخير تم بواسطة مكتفي خيبه ; 12-12-2017 الساعة 10:36 PM
|
العرض العادي
