السلام عليكم
ادري كثرت عليكم اسئله ومشاكل
من اشتغلت بهالنادي وانا مااشوف الا الغثاء بس واهلي اللي مضطهديني
بكره بدايه السنه الميلاديه الجديده والنادي بيسوي عروض
حنا موظفتين المساء
جتني اليوم موظفه قالت ترى فلانه اخر يوم لها قلت هااااااه ؟ وبكره عروض ؟!!!!! استقالت يعني ؟ قالت اي جاها ظرف
قلت لها هذي موظفه الصباح اللي وصلت لي قلت طيب انزلي معي المساء والاداريه تصير صباح قالت لاااااا مقدر هالايام
قلت للاداريه شلون طيب اصير لحالي وقت العروض قالت مب ذنب موظفه الصباح قلت طيب وانا ؟
شوي جت البنت اللي طلعت قالت لي ترى مااستقلت هم اللي طلعوني انه قالو تجين من 1 الى 9 مو من 2 الى 10 وتغيبين كثير وتتركين الرسبشن فاضي وانه اخر يوم لك نهايه شهر يناير
واني قلت ماراح اقعد الى نهايه يناير عشان تستغلوني وقت العروض وبعدها تطلعوني الزم ماعلي كرامتي
شوي جت البنت حقت الصباح وقالت ترى تهدد المديره وتقول كلكم بتلحقونها وماشفتو شي
وش معناته معناته يبون يستغلوني وقت العرض لحالي لان مافي موظفه الا انا المساء وبعدها يطلعوني لو طلعونا كلنا اكلو تبن
عروض اليوم الوطني حج بغى يغمى علي من التعب ذيك الايام
علمت اهلي قلت خلاص انا احس اني انا بعد طابت نفسي منهم كيف بتحمل ضغوط العروض الايام ذي
كذا احس بشعور القرف منهم اكرههم وكل الناس هجو منهم مشتركات وموظفات
المشكله ابوي بس يدافع يقهررررر اتمنى يتركني بحالي لو اقول فيهم شي ياويلي
ومصر اني اقعد عندهم والقرب نعمه اقوله يهددوننا
فوق اني اشتغل بدون عقد وتامينات
نفسي اطلع واعيش حياتي اخذ دورات اروح نادي اسبح اسوي اي شي
مب كل همي الفلوس انا حتى نزل لي دفعتين من حافز الحمدلله
مدري كيف اوصل لقرار من اول يوم وانا احس بضغط نفسي اليوم كملت 8 شهور واليوم اخذت الراتب الثامن عشان كذا احس اني ابغى اطلع خلاص لان ضمنت اخذت حقي منهم
كيف اواجه ابوي ؟ امي واختي مالهم دخل بس ابوي ضدي وواقف معهم
مره يقول كل الاعمال كذا مره يقول نظمي الناس اللي يجون انا كارهتهم بشكل وخايفه يطلعوني الشهر الجاي
فكرت اقول لابوي ماعليك مني وارسل للمديره اني ماعاد ابي اداوم وان هذا اخر يوم
ارجوكم ساعدوني لان هذا قرار مصيري وهذا اول عمل لي

انت الان لا تتركي العمل إلا إذا استخرتي وإذا على موضوع الطرد خذي اي اوراق اثبات انك تعملي عندهم علشان تضمني حقوقك مثل فواتير باسمك موقعه من الادارة - كشف حضور وانصراف موقع منهم به اي دليل لوجودك عندهم .
الاستقالة هم يريدوا ذلك لكي يتخلصوا منكم طبيعي لا تعطيهم إلا إذا واثقة انك خلاص لن تندمي عليها بوجود البديل دورات بمبلغ كم هل لديك او لا من سيوصلك - عمل اخر ساحتاج له أو لا ؟ وهل سيوافق ابوك أو لا ؟
حقوقك عند الاستقاله:
لا توجد مكأفاة نهاية خدمة
المادة الخامسة والثمانون: الاستقالة
إذا كان انتهاء علاقة العمل بسبب استقالة العامل يستحق في هذه الحالة ثلث المكافأة بعد خدمة لا تقل مدتها
عن سنتين متتاليتين، ولا تزيد على خمس سنوات، ويستحق ثلثيها إذا زادت مدة خدمته على خمس سنوات
متتالية ولم تبلغ عشر سنوات ويستحق المكافأة كاملة إذا بلغت مدة خدمته عشر سنوات فأكثر.
الحوافز لك إذا كانت غير مدفوعه سابقاً ومتفقين عليها - راتبك - مبلغ الاجازة لما قضيتيه عندهم من اشهر المادة الحادية عشرة بعد المائة:
للعامل الحق في الحصول على أجرة عن أيام الإجازة المستحقة إذا ترك العمل قبل استعماله لها وذلك بالنسبة
إلى المدة التي لم يحصل على إجازته عنها كما يستحق أجرة الإجازة عن أجزاء السنة بنسبة ما قضاه منها في العمل.

-التأمينات شكوى صغيره عليهم بالاثبات انك كنت تعملي عندهم يتم التسجيل بأثر رجعي للمدة إما المبالغ انسي لانك اخذتيها راتب إلا إذا كانوا يخصموا منك وعندك اثبات لذلك ولم يسجلوك تعود لك المبالغ.
شهاداتك المودعة - شهادة خبرة منهم مهمة جداً تفيدك إذا اردتي الشكوى في التأمينات لو كان الاثبات صعب عليك .
نصيحة لا تستقيلي خلي الفصل منهم واثبثي وسجلي في ساند .

فكري بهدوء وش الافضل بالنسبه لك الرحيل او الاستمرار اذا الرحيل معناه قدمي استقالتك ولاتشيلين هم احد لان طبيعي اي اهل يطلبون من عيالهم يكملون ومايستقيلون
وع فكره هالكلام من تجربه استقلت واهلي رافضين ومع هذا وجدت وظيفه افضل .. اختاري الي مقتنعه فيه فقط

اي بس اخوي mol88 سالت ابوي عن كلامك يقول تبين مدد اشتراك لازم تدفعين مبالغ للتامينات لانك كنتي تاخذين راتب كامل
غير كذا لازم اثبات انا ماعندي اي اثبات لاعقد ولاشي

الرد متأخر اعتذر
اولاً:لا لاتدفعي ولا شيء النادي يتغرموا ويدفعوا والمدة لك لان المبلغ مدفوع لك منهم والخطأ عليهم .
والاثبات ممكن اي ورقة اسمك بها وشعار المنشأة او توقيع الادارة وتكون ورقة رسمية لهم ولو كنت تأخذي الراتب بالحساب اثبات للمدة .
لو ما صدقتي اتصلي على هاتف التأمينات واسألي خذية من موقع التأمينات .

ايش صار معك