السلام عليكم ورحمة الله وبركاته
انا لي اربع سنوات عاطل من تخرجت

سنة هذي قدمت على اكثر من قطاع عسكري وطنشت عشان تقديم ضباط وزارة الدفاع

لكن ما كتب الله لي سنة هذي القبول في ضباط وزارة الدفاع

انا ادرس حاليا دبلوم تربوي حق المعلمين و فيه احتمال بعد دبلوم اتعين في سلك التعليمي على المستوى الخامس

استفساري لكم ي اخوان

هل اقدم على وظائف عسكرية لان بعد شهرين يبدا تقديمات بقطاع وزارة الدخلية و الدفاع
او خلاص مصيري مدرس

هل رواتب عسكرية مغرية خصوصا انا جامعي ممكن لو قدمت على رقيب او وكيل رقيب
انا محتار و تعبت من دراسة و جلسة البيت و المحفظة ما فيها قروش

احتاج مشروتكم و نصايح الله يرضى عليكم وشكرا

وعليكم السلام ورحمة الله وبركاته
السؤال انت تحب أيش ؟ تحب التدريس او العسكرية ؟
شوف اللي يناسبك بما انك ضامن الاثنين .
العسكرية اذا ماهي رتبة ضابط انحش عنها .
اذا ضابط بوزارة الداخلية تقدم لها .
اعرف لي واحد الاصدقاء تخرج من الجامعة ونزل اسمه تعليم على طول .. فضل قطاع العسكرية على التعليم .. طبعاً ملازم والحين ماشاء الله نقيب
ف انت شف الانسب لك .. هل تتحمل اعباء التعليم والطلاب والشرح وإلى اخره , التعليم ميزته فيه الاجازات يعطل مع الطلاب ويداوم معهم .. العسكرية لا
والله يوفقنا وياك

شوف اذا شهادتك معدل حلو وتخصصص مطلوب بالتعليم التعليم افضل اما اذا لا
ولا انقبلت ظابط
فرتبة رقيب حلوه احلى من القطاع الخاص
رقيب راتبك لا يقل عن 10000
انا اعرف رقيب بقوات الامن الخاصة اول راتب له 12000 وعليها كم ميه
هاذا اول ما تعين
والرقيب ما عنده خفارات فقط دوام رسمي ويستلم مشرف على الجنود
الشركات لو راتبك اعلى من الحكومي ما تضمن مستقبلك كل يوم خايف ما عدا الشركات الحكوميه مثل ارامكو وسابك
وانت فكر وشوف طبعا التعليم افضل حتى من الظابط ما عندك الا نوم واجازات ورواتب

الله يرزقك من واسع فضله ياصاحب الموضوع ويفتحها في وجهك من واسع أبوابه

الكليات العسكرية أكثرها مدة التقديم عليها سنتين من تاريخ التخرج فإذا باقي لك السنه الجايه فالأفضل طبعا كليات الظباط من التدريس طبعا هذا رأيي الشخصي

الله يوفقك

الانسان لما يضع هدف امامه بحيققه مهما كانت الصعوبات ودامك الان تدرس المفروض ماتفكر ابدا في اي شي سوا دراستك
وبعدها يكون خير الحال من بعضه لا العاطل مرتاح ولا اللي يدرس مرتاح ولا الموظف مرتاح الحياه هكذا كبد في كبد
لكن الافضل انك تختار الانسب لك العسكريه ملحوق عليها اذا عمرك باقي ما وصل 30 سنه ودام باقي تدرس فالافضل تكمل الهدف اللي وصلت له وانا حسب معلومات ان الدبلوم اللي تدرسه صعب انه يحصل عليه اي واحد وبما ان تخصصك مطلوب حسب كلامك فواضحه الشغله انتظر يما تخلص وبعدها قدم واذا رزقة بالوظيفه اللي تبيها التدرس كان بها واذا ما حالفك الحظ توجه الى العسكريه لا تستعجل رزقك مكتوب لك والوقت الحالي اشوف الكل توجه للعسكريه وهذا شي مو غلط لكن صراحه كتب على نفسه مستقبل غير مشرق للاسف
اطلق شنب بتقاعد براتب مايجيب لقمة عيش اما المدرسين مشاءء الله رواتب وخيرات ويتقاعد وهو يخذ اقل شي 15 الف
الانتظر والاكامل على الهدف اللي جالس تتحقق خير
((للمعلومية اغلب اللي يتوظفون بوظائف مدنيه سوا تدريس او اداري اعمارهم تتراوح بين 28 الى 33 فهذا دليل انها من زمان تاخذ وقت طويل مو مثل العسكريه عطول تتوظف ))
(( في حال طرحة وظائف عسكريه تناسب مؤهلاتك قددم مو غلط وجرب حظك ))