المشاركة الأصلية كتبت بواسطة Fahad011

السلام عليكم انا كان موعدي اليوم في الشرقية في الظهران واغلب الموجودين هناك كلهم جامعيين معهم بكالريوس المهم دخلونا ستة ونصف تقريباً وأول شيء في عسكري كان يأخذ نظرة بالعين على الي وزنه زايد يقيس وزنه اذا زايد مع السلامة والي طوله اقل من 168 وشاك في وزنه يقيس بدري على شان ما يقعد ينتظر الى الظهر اول شيء قالنا ياه انه العدد المطلوب للوكيل رقيب محدود يعني انت بتوقع على تعهد برتبة وكيل رقيب ونفس التعهد انك تقبل برتبة اقل منها لانهم راح يفاضلون بالمعدلات العليا هم يأخذون الرتبة واذا اكتفى العدد تنزل للرتبة الادنى منها يعني ممكن تأخذ جندي وانت جامعي .
طبعاً الخطوات اول شيء تدقيق الاوراق اخر شهادة لك وصورة الاحوال وصورة كرت العائلة وصور شخصية الثانوية ما سألوا عنها تجيبها مع الملف بعدين.
ثاني شيء الوزن والطول .
ثالث شيء المقابلات مع ثلاثة اغلبهم وكيل رقيب او رقيب اول او رقيب واسئلة سهلة يسأل وين ساكن واسئلة عن الدين ووزيز الداخلية ومدير الامن العام وطبعاً انت حضك يمكن يسألك واحد والباقي ما يسألوك شيء يوقعون لك.
ثالث شيء مقابلات مع الظباط تحصلك رائد ونقيب ومقدم وكانت نفسها وين ساكن وتكلم عن تخصصك وانا في المقابلة هذي سألني واحد فقط وين ساكن طبعاً انا تخصصي هندسة صناعية وقلي ليش جاي هنا انت مهندس من هذا الكلام والباقي وقعوا ما قالوا شيء .
اخر شيء تنظر يعطونك الملف ويشرحه كيف تعبي البيانات والتسليم قالنا في اي وقت بس حاول تخلصه بسرعة لان الدورة احتمال تكون بشهر سبعة الي يسلم ملفه متأخر وينقبل في الدورة احتمال انه تعيينه يتأخر وطلعنا الساعة ثنتين وهذا الي صار معنا وبالتوفيق لكم ...