اخوي محمد البلادي ارجوا الرد واللي سبق ومر بمشكلتي لاهنتوا

اميره بطبعها · #1 (**permalink**) 29-01-2018, 03:25 PM

السلام عليكم ورحمة الله وبركاته

انا رحت قبل ١٤ يوم ومددت الهجر وقالت الموظفه هاذي اخر سنه لك تقدمين فيها على المهجورات واخذت اوىاقي وشهادة الشهود وقالت انتظري الباحث انتظرت الباحث طول هالمده ماجاء مدري شالسبب هل هو نسى او طلبي انرفض وهل انتظر زياده واشوف شيصير او اراجعهم واسالهم لاني احترت وجزاكم الله خير

محمد البلادي · #2 (**permalink**) 29-01-2018, 03:51 PM

وعليكم السلام

الاحتمالات الوارده بموضوعك
1) اما تم رفع المعامله تلقائيا وشوفي حسابك يااميره خانه طلباتي
2) الدرج ومعروف ان الدرج هو افضل وسيله لحفظ الاوراق (اتمنى ان لايكون كذلك)
3) الزحام على الباحث ولم يأتيك الدور بعد
ارى مراجعتهم والسؤال عن مصير اوراقك

ام الفقيد · #3 (**permalink**) 29-01-2018, 05:16 PM

نصيحه اختي

ابغض الحلال عند الله الطلاق

حاولي تطلقين بي طريقة ارفعي دعوة هجر بالمحكمة مع وجود شهود
وانه هاجري ولا يقوم بواجب الزوجة من كل النوحي وانتي وفهمكي
او ارفعى دعوة خلع
استشيري اهل الخير او وسطي ناس لهم تاثير وخليهم يقنعونه
بطلاق والله الطلاق ارحم من الهجر اختي الفاضله لكي ولعيالكي
بعدها تقدرين تاخذين ضمان بدون حوسه تجديد كل سنه

ام الفقيد · #4 (**permalink**) 29-01-2018, 05:24 PM

اذا متزوج ارفعي دعوة في المحكمة أنه هاجركي
وانكي تبغين ترجعين له وانه يوفر لكي كل ما عند
الزوجة الثانية من اثاث وبيت و نفقه السنوات المهجورة فيها

وخلي الطلب يجيه على دوامه يجرونه زي الكلب
طبعا الزوجة الثانية ما تبغى شريكه

راح تضضغط عليه وراح يطلق

عن تجربه صدقيني راح تتعبين في المحاكم لكن فترة وتعدي

اميره بطبعها · #5 (**permalink**) 29-01-2018, 05:33 PM

اقتباس:

المشاركة الأصلية كتبت بواسطة محمد البلادي

وعليكم السلام

الاحتمالات الوارده بموضوعك
1) اما تم رفع المعامله تلقائيا وشوفي حسابك يااميره خانه طلباتي
2) الدرج ومعروف ان الدرج هو افضل وسيله لحفظ الاوراق (اتمنى ان لايكون كذلك)
3) الزحام على الباحث ولم يأتيك الدور بعد
ارى مراجعتهم والسؤال عن مصير اوراقك

الله يجزاك خير اخوي محمد ان شاءالله براجعهم واتاكد وبرضه بدخل على طلباتي واشوف وارد لك ان شاءالله

اميره بطبعها · #6 (**permalink**) 29-01-2018, 05:41 PM

اقتباس:

المشاركة الأصلية كتبت بواسطة ام الفقيد

اذا متزوج ارفعي دعوة في المحكمة أنه هاجركي
وانكي تبغين ترجعين له وانه يوفر لكي كل ما عند
الزوجة الثانية من اثاث وبيت و نفقه السنوات المهجورة فيها

وخلي الطلب يجيه على دوامه يجرونه زي الكلب
طبعا الزوجة الثانية ما تبغى شريكه

راح تضضغط عليه وراح يطلق

عن تجربه صدقيني راح تتعبين في المحاكم لكن فترة وتعدي

جزاك الله كل خير اختي ام الفقيد ماقصرتي ع النصيحه ولاكن بالفعل هذا هو اللي حاصل الان رفعت دعاوي مو دعوى وحده وسالفه طويله جدا لو بحكيها لكم ماكفت الصفحات والان اوشكت على الانتهاء باذن الله وسجلت هالسنه معاهم بنصيحه من موظفه ثانيه قالت طالما انها اخر سنه لك سجلي واذا تم الطلاق يمديك تغيرين حالتك بس عشان ماينقطع رزقك ورزق عيالك وانتي عارفه اكيد مصاريف سيارات الاجره على المشاوير والمحاكم هذا غير مصروف السيارات اللي تودي العيال للمدارس وغير وغير وغير لاكن انا ولله الحمد ماشيه بدعواي وقريبا نتتهي باذن الله