طالبة رأيكم وأرجو المساعدة........

عاطلة للأبد · #1 (**permalink**) 08-11-2008, 01:50 AM

السلام عليكم...
أنا خريجة جديدة هذي السنة وتوظفت في مدرسة أهلية وداومت كم يوم صراحة الادارة والمعلمات تعاملهم مرة راقي والطالبات محترمات ولكن المدرسة تبعد عن البيت تقريبا ثلث ساعة زحمة الشوارع والاشارات ووقت انتهاء الدوام للمعلمات الساعة 2 وعشر والمشكلة المواصلات ماعندي احد فاضي لي كل يوم يوديني فكرت ادور على سيارة خاصة توصلني وطبعا الى الان مالقيت وهم قالوا لي لازم تتصرفين مومشكلتنا كل يوم تجين تقولين تاخرت مالقيت احد يجيبني والراتب 1500 وعطوني كل مواد صف ثاني ماعدا الانجليزي يعني مافي نفس حصة ورا حصةوشرط التحدث مع الطالبات باللغة الفصحى وانا ماتعودت احس اني ماسكة نفسي اخاف اغلط عندهم لدرجة اني مرة لما شرحت للبنات الدرس قلت لهم الحين فهمتوا قالوا يوه تقول الحين؟؟!!!! والصراحة انا ماودي اخسر الوظيفة مو علشان شي علشان الخبرة اخاف مااروح لهم وماالقى مدرسة ثانية .....
ابي ارائكم اروح والا لا ؟؟؟؟
هل كل المدارس اوقات خروج معلمات الابتدائي الساعه2 ؟؟؟

عاطلة للأبد · #2 (**permalink**) 08-11-2008, 09:39 AM

معقولة مافي احد يرد علي لييييييييييييييييييييه ؟؟؟؟؟؟؟؟؟

مطربة الغروب · #3 (**permalink**) 08-11-2008, 09:55 AM

عزيزتي ودي اساعد بس ماعندي اي فكرة :$
الله يوفقك ويسهل امرك

جريحه الصمت · #4 (**permalink**) 08-11-2008, 11:09 AM

لاياحبيبتي مدارس الابتدائي تطلع بدري ان طولت طلعوا 12 ونص وش تسوين لساعه 2

شريطي وظائف · #5 (**permalink**) 08-11-2008, 11:35 AM

الافضل تجلسين بالبيت لين تلقين وظيف زين الناس مو زي هذه الوظيف والراتب اللي اساس ما يغطي تكاليف المواصلات نصيحة شوفي غيرها الرزق عند الله اكيد تلقين افضل منها ان شاء الله توظفت خمس مرات بشركات ولكن فيها لعب وفضلت اجلس بالبيت لين القى الطموح رغم ان عندي سيرة ذاتية من صفحتين ولله الحمد ولكن الرزق من عند الله جالس ادور

محمد سعد فرج · #6 (**permalink**) 08-11-2008, 11:35 AM

والله ودي اساعدك بس مادري كيف ؟
بس ممكن اوفرلك سيارة او اتفقلك مع سيارة
توديكي اترجعك تاني لو حبيتي يعني
وان شاء الله يصير خير
وربنا يوفقك ويوفق الجميع

لغــ القرآن ــه · #7 (**permalink**) 08-11-2008, 03:17 PM

للرفع

عاطلة للأبد · #8 (**permalink**) 09-11-2008, 12:00 AM

مشكورين على مساعدتكم لي وريحتوني لاني كنت محتارة انا اللي كان مشغلني الوقت يعني مو معقولة تخلص الحصص الساعة 12 ونص واقعد الى الساعة 2 فاضية ....
بس الله يسهل علي وألقى وظيفة احسن منها ....

بربيكان تفاح · #9 (**permalink**) 10-11-2008, 06:40 PM

عاطله ..

إذا انتي مــرتاحه فيها خليــك فيهــا .. احسلك من جلسة البيت ومن ناحية المواصلات

ابحثي عن صديقات لك يذهبون نفس المشوار وربي عادي التعاون .. ولله يوفقك

فرتيكات · #10 (**permalink**) 11-11-2008, 02:04 AM

لاتتركي الوظيفه . وخاصه انت تووك مبتدئه مشوار الحياه . الصبر مفتاح الفررج

اولآ : بخصوص المواصلات . انا انصصحك بالتعاقد مع شركات المواصلات والظاهر الاررقام تلقيهم بجريدة الوسيله ! او اتفقي مع مدرسات من المدرسه ! او سواق خاص . يعني سبع عمرك لاتتكل على احد يخدمك اخدم نفسك بنفسك ..؟
ثـآنيآ : طريقة الدراسه لازم قبل كل شي ان عمادة العلم والتعلم انتم اساسها لان اجيال رااح تتخرجك من عندكم و يجب الالتزام بالضوابط . يعني اجتهاادي مره ومرتين وثلاثه . صصح اول موقف صصعب بس الانسسان مايتعلم غير من غلطه وذولي البنات مفتاااح للتعليمك اللغه الفصصحى .

والهدف من المعاانات ( ششهادة الخبراء). لاتستهينين فيهااا تررها مهم في ديوان الخدمه والتعااقدات للمدرسسات .