السلام عليكم : صار لي عشرة شهور اقدم في حافز وكل مرة احدث وانتظر لكن الحالة تظهر غير مؤهلة والسبب تشير سجلات الموارد البشرية إلى أن المتقدم متدرب في برنامج تدريبي تزيد مدته عن 3 اشهر . اتصل لهم في خدمة العملاء ما يعطوني حل صحيح . ارفع شكاوي يرفضو المطالبة رحت الموارد قالوا لي ارفقي ورقة تحديث المؤهل الي اصدرتيها من الاحوال تثبت انك ربة منزل وآخر شهادة استلمتيها واخذت الموظفة إلي في الموارد رقم السجل المدني وادخلته عندها قالت لي انت غير مدعومة ولا مسجلة في اي برنامج !! المشكلة بعد لا في خدمة العملاء ولا مكاتب الموارد عارفين اسم البرنامج فقط احس انه سبب تمويهي بحيث لا اتاهل . ارفقت الاوراق الي قالت بهم في حسابي في طاقات ونفس السبب طلع لي امس انني غير مؤهلة لنفس السسب المذكور في الأعلى علما انه الدورة الي استلمت منها الشهادة مضى عليها عشرة شهور للآن وماكنت استلم فيها مكافأة . وحاليا لا اعمل ولا ادرس وانا غير متدربة .
افيدوني من يقدر يحل مشكلتي بحيث اتأهل في برنامج حافز البحث عن عمل .امس خدمة العملاء لما اتصلت لهم رفعت لي شكوى وقالوا لي بيردوا بعد ستين يوم قلت لها يطول الموضوع كذا) قالت هو كذا نظامنا وكالعادة احسهم بيرفضوا المطالبة ولا بيحلوا المشكلة وقالت لي شفتي العروض الوظيفية الي في صفحتك على حسابك في طاقات اذا رفضتي ثلاث منهم ماينزل لك حافز ولا تتأهلي ايش رأيكم في ذا الموضوع ؟. انا الي اعرفه اول اتأهل في حافز وتالي اذا رفضت العروض الي يعرضوها عليي ماينزل لي مبلغ او ينخصم . وهذي العروض الوظيفية الي في صفحة حسابي لأني مسجلة في برنامج دعم التوظيف . ممكن تفيدوني لانه كل مرة يعطوني سسبب احسهم اصلا مو فاهمين شغلهم كل مرة ترفع وحدة من خدمة العملاء السماعة وتقول لي سبب غير واهم شيء انني كل شيء يقترحوه اسويه ولا اتاهل افيدوني بارك الله فيكم كيف احل هذه المشكلة .وهل احد صار له مثلي وحل الموضوع ونزل له حافز