السلام عليكم
انا مطلقه اجنبيه ام مواطن سعودي تطلقت عشان طليقي يبيع في المخدرات من تزوجته انسجن مرتين
مره قعد ثلاث سنوات ومره سبع سنوات خرج من السجن وله الحين مايقارب على السنه

ولدي عندي له صك حضانه وهو الحين يدرس لكن ابوه واهله مايصرفون عليه وانا والله مااعندي دخل تعبت من المصاريف والمشاوير
هل قدر اقدم له في الضمان هل يشمله او لا
اذا اقدر اقدم له في الضمان كيف الطريقة؟؟؟؟؟

الولد وابوه سعوديين وانا مطلقه اجنبيه الله يفرج همكم دلوني وش اسوي

وعليكم السلام
ابدا تاخذين شاهدين و2مزكيين وعلى المحكمه وتطلبي صك اعاله وتفيدي الشيخ ان والده لايصرف عليه ولاينظر اليه وكذلك انه ليس اهلا لتربيته نظرا لكونه عليه سوابق وسبق وان تم سجنه مرتين وحتى اسألي عن صك الولايه يشمله ولالا والاجراءات لأن صك الولايه افضل بكثير من صك الاعاله لكنه يفي بالغرض صك الاعاله نص ساعه تاخذي الصك وتقدمي على الضمان

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

الله يعطيك العافيه
طيب اروح المحكمه كذا بدون خطاب او شي من الضمان للمحكمه ماني فاهمه
والضمان هل راح يعترفون بهذا الشي يعني هل فيه شي في الضمان يخص الحالات اللي زي كذا يعتبر مهجورر او كيف
الله يجزاك خير يشهد ربي اني فرحت يوم شفت ردك يعني ان شا الله يكون فيه خيره واقدر اقدم لولدي

تختلف المحاكم بعضهم يطلبون خطاب من الضمان والبعض لا لكن راجعي المحكمه وشوفي ادخلي على النت موقع المحكمه بالمدينه التي تقطنين بها واذا فيها حجز لصك الاعاله احجزي وراجعيهم بالوقت المحدد مع شهودك او ممكن تستفيدي من احد المعارف ويقوم بالتقديم لك وتحضرين انتي مع الشهود وبعد اخذ الصك مراجعه الضمان ويلحق معك كمهجور
ابدأي بالاجراءات

ليس لدي خلفيه ولكني اطلعت على الرابط وهو في مصلحه المرأه ومن المؤكد انه تم تطبيقه ومثل ماقلتلك اول اطلبي صك ولايه واذا تعثراطلبي صك اعاله ,, ربي يوفقك

ربي يوفقك
يغلق