سلام عليكم

انا بعد شهرين واتخرج من الثانويه مابي جامعه ونسبتي 84 وماني حق دراسه ابد ابد ابد

كلمت الوالد وقلت ابي اتعسكر الوالد كان في الجيش رئيس رقباء في التموين والنقل كان يستلم 15 الف المهم قال ابعد عنها يقول فيها ظلم وقروشه وكآبه ومنا في تبوك يقول انا كنت بنقل بس ما كان معي واسطه المهم يقول ياولدي انا كان عندي جنود معهم واسطات وقت العيد يدق علي الضابط يقول طلع الجندي فلان بن فلان واقوله وش السبب ما يرد يقول نفذ يا عسكري ولا تبي عصيان يقول انفذ والشكوه لله يقول لا جربت البروقي وانت نايم مدري وش البروقي ذا ولا جربت التصليبه بعز الظهر تعرف ان كلامي حق لو ابي لك الخير كان قلت لك رح ويقول تراني ماني براضي عليك لو بتسجل فيها وخذ دعوه مني لو رحت.

الحين انا منكب هنا قلت له يا ابوي انت كنت بتخش هندسه بس على ايامك ما كان عندك فلوس وانحديت عا جيش وعل اخيس قطاع ولكن انا دخلتها برغبتي وذا شي ابيه انا انا ارضى ان يجي ضابط ويامرني ايه ارضى واحب الشي ذا وانا اهوى العسكريه مع ان الجامعه تقبلني بتخصص صحي نسبتي قدرات عاليه ولكن انا ابيها قال وانا ابي الامن العام قال طيب خذ جامعه وخش 9 اشهر دوره وتروح قلت انا ماني بحق دراسه ابد انا يادوب مشيت ثانوي تبغاني امشي جامعه المهم رفض

ابيكم تعطوني حل ابي اقنعه انا والله اعرف العسكريه وبدخلها بارادتي


نرجع لموضوعنا الحين كم مده دوره الامن العام والتخصصات انا ابي دوريات امنيه هل اختاره ويحططوني فيها؟ ووقت الفحص يدققون في الطول ولا لا وبس وبيض الله وجه من يساعدني ويفيدني

لو تاخذ دبلوم سنتين كلية التقنية وتقدم وتاخذ رتبة وكيل رقيب او عريف افضل لك

خذ دبلوم تقنيه واسمع كلام ابوك لانه جرب وشاف وكلام ابوك صدقني خير لك
لا تخاف العسكرية موجودة بس خذ بلوم ترفع فيها رتبتك وقت القبول والتقديم للعسكرية
وما اوصيك في ابوك ورايه ,لانه من ذهب وراح تشكره في المستقبل وتحب راسه
وفقك الله والله يحفظ لك والدك .

__________________
عاش الملك للعلم والوطن

شف و انا اخوك انا تراني كبرك بالضبط الان بثالث ثانوي و ناوي عسكريه ان شاء الله لأني بصراحه ما لي فالمدني ابددددددذ مستحيل اكون مدني لو ادخل جندي
المهم انا حلمي ادخل الامنيه و اكون ضابط داخليه لكن للاسف الامنيه يبغون شهادة جامعه و انا ماني حريص على الجامعه ما ابي الغثا لكن نفس الوقت ما ابي ادخل جندي انكرف و انذل و انهان و يروح عمري كد و لعنت جدف ف فكرت كثير قوه و ابحث عن حلول
طبعا انا مثلك الوالد رافض فكرة جندي لو ايش بس
عاد لقيت حل
فيه كلية الملك عبدالعزيز الحربيه عندهم دوره ثلاث سنوات للثانوي و تتخرج ملازم(بس فيها كرررف قوي)
بعدين فكرت ادخل التقنيه و اذا تخرجت ادخل امن عام يعطوني وكيل رقيب
الحرس الوطني يعطيك وكيل رقيب و الامن العام الظاهر يعطيك عريف اذا معك تقنيه بس ترا ماني متأكد انت تأكد افضلك

انا بالنسبه لي معدلي الثانوي 86 و نسبة قياس كويسه الحمدلله اذا تخرجت ابقدم على الحربيه و ابقدم على التقنيه و ابقدم على الجامعه
الي تقبلني بروح لها بس انا ابغا التقنيه ثم الحربيه ثم عاد اذا ما قبلوني الحربيه و التقنيه بروح للجامعه و الشكوى لله ثم عقب الجامعه بقدم على الامنيه و الحربيه

بس طع شوري و شور ابوك لا تدخل جندي اقل شيء ادخل عريف