السلام عليكم موضوعي انه توظفت السنه الماضيه نفس الوقت هذا الان صارلي سنه وشهرين تقريبا على وظيفة مندوب علاقات حكومية شركة تحت التأسيس ، اول 6 شهور كوت اداوم من 8 ال 2 على شركة ثاني لصاحب نفس المنشأة الى ان يتم اافتتاحها وشغلي من بدايته على شركة الثانية ، بعدها بفترة طلع موظف اجازة لمدة شهر وغطية مكانه ، وبعدها بفتره ثانيه نفس الشي طلع موظف لمدة شهر وغطيت عنه بدوام كامل ، بعد مارجع صار عندنا توظيف بدأ من شهر 11 ميلادي الى الان وانا شغال على منسق توظيف علماً انه قسم بالله شي متعب ما يعلم فيه الا الله ، ورغم هذا فيه انتاجيه وبدون اخطاء والحمدلله والمدراء الي عندي افادوني بالشي هذا انه الامور تمام بالنسبه للشغل ، مشكلتي تبدأ من هنا كيف اعرف حقي بالزيادة وكم اطلب وهل اطلب عقد جديد على الوظيفة ، راتبي 5 الاف تأمين c مافيه بونص نهائياً ولا مزايا .

القطاع الخاص الزيادات على حسب سياسة المنشأة قد يكون و قد لا يكون !


اذا مهامك الوظيفية تختلف جوهريا عن عقدك اطلب تغيير مسماك الوظيفي
و تغيير راتبك بس بشكل ودي او شوف تمون على مين من المدراء واطلب نصيحته عشان الزيادة
اللي اقصده مهد لنفسك وضح لهم بشكل ودي غير رسمي انك تبي زيادة راتب بسبب الدنيا غالية والمعيشة صعبة....

عن نفسي لو انا مكانك اشوف الوضع ، المنشأة شغالة بشكل ممتاز او ناشئة تحاول توقف
بناء على ما اشوفه اقرر .

فيه شيء ثاني غالبا نحكم على انفسنا بما يرضينا
تشوف نفسك تقدم بظنك خدمات وتقوم بعمل ووو...
بس مديرك يشوف ان هذا واجبك اللي بعقدك
المفروض
ابين مستقبلا ان هذا مو من صميم عملي ومختلف عن عقدي لكن ولائي للمنشأة ورغبة مني في إنجاح المشروع راح اساعد في أي شيء
بكذا المدير او صاحب الشأن بيعرف انك مستحق للي تطلبه

الان فعلا صارلي 6 شهور اشتغل شغل ماهو بنفس العقد كان مساعدة مني اني ابين لهم فعلا ابي اشتغل لعلى وعسى انهم يعطوني زيادة تناسبني , بما انه الحين راح تبدأ تقريبا افتتاح الفروع فراح اكون هنا وهنا , قبل شوي جت الزيادة وللاسف كانت اقل من 150 علما انه كنت موعود من مدير الموارد البشرية والمدير الاداري انهم يمشون في موضوعي عند الادارة المختصة لاكن للاسف طلع الامر تخدير
وراحت علي فرصة عمل افضل وبفرق راتب 850 لاكن كلامهم لي كان يبشر بالخير وحبيت ابقى واشوف لاكن الي حصل الحين عكس ذالك

للأسف اغلب الشركات متمسكة بذي الرواتب، لكن انت حاول تدور شركة غيرهم براتب افضل حتى لو بفرق بسيط واعطيهم العرض الوظيفي على انهم يعطوك نفس الراتب، ولا تنسى الخبرات اذا كانت موجودة راح تساعدك تتفاوض معهم على الراتب