وعليكم السلام ورحمة الله وبركاته ..

اتمنى كمان إذا في أي وحدا جربت المقابلات تكتُب لنا تجربتها ..

بِ التوفيق للجميع يارب ..

المقابلة بسيطة بس تقول معلوماتك .. وانة في حالتي تم رفضي ولا اعرف ليه مع اني كنت ممتاز جدا بالمقابلة
لكن كان واضح عدم رغبتهم بشغل الوظيفة من الاساس .. الله كريم

وعليكم السلام ورحمة الله وبركاته
مدير شؤؤن الموظفين مصدوم قال ليه مقابلة مايحتاج ههههههه
ودق على مدير المالية قال تعال ابيك ذا مرسل لنا وجاء قاله مايحتاج مقابلة قال لا زين له جب رؤساء الاقسام ٣ جو هههههه
ودق عليهم وأسئلة عن التخصص ومتى تخرجت ويوم راحوا قال انت مقبول قلت بين نفسي هم مصدومين من المقابلة لكن اللي طالبها هي الخدمة المدنية فاشلة بالنظام الجديد المقابلة الشخصية ماتنفع الا فقط الوزارات الحساسه اما اي وزارة اكيد راح يدربونك على الشغل شهر كامل لأن الشهادة فقط قبول للوظيفة ..

فيه مقابلات اذا شافك يمكن مايرتاح لك لو تجاوب على كل الأسئلة صح

على كيف امه مايرتاح لي سلامات ماني جاي اخطب عندهم هذي ارزاق ودام ترشحت خلاص يقبلوني

نظام المقابلة نظام غير عادل خصوصا في الخدمة المدنية
المرشح ماتأهل للوظيفه الا انه يستحقها وتجاوز كل المتطلبات ووصل للنقاط المطلوبه
اعرف زميل لي مهندس تم ترشيحه في امانة الرياض وبعد المقابلة كتب الموظف على ورقته (عدم اجتياز المقابلة )
للأسف المقابلة ماهي روتينية مثل مانسمع ، الان صار فيها قبول او رفض .
حسبي الله ونعم الوكيل

نفس الشي صاحبتي طلع اسمها في امانة الرياض وسوت ممتاز بالمقابلة خصوصا انها ما شاءالله ذكية ونقاطها عالية .. وبعد المقابلة رفضوها وارسلوا للخدمة عدم اجتياز المقابله