السلام عليكم
انا اشتغل من سنه تقريبا
اللي صاير اليوم ان حنا الموظفات لنا غرفه صغيره ورى كاونتر الرسبشن نحط اغراضنا فيه والبنات يخلون اغراضهم جكيتات ويرجعون للبيت واشياءهم فيه وهو اصلا مو مكاتب تتقفل عشان يتركونها بس الكل اخذ فكره ان المكان امان المهم زميلتنا تركت جكيت واختفى وحده قبل اسبوعين انوخذ من شنطتها خاتم ذهب ووحده تقول حطت دله العرب ومن بعد يومين مالقتها المهم المديره قامت تقول اللي سرقت الاغراض منكم وفيكم وقامت سوت قروب ضافت كل الموظفات تقول مانبي الي سرقت الاغراض تعترف بس ترجعهم عند الباب ولابتنفصلون كلكم وبتتحمل هي ذنب الاغراض وذنبكم !!!!!
كل وحده قامت ترد وتتكلم طيب يمكن من العاملات الارتيريات والاثيوبيات
( حتى اصلا مو مسلمات مسيحيات ) قالت لا العاملات لهم 3 سنوات عندنا
قالت معكم مهله لرمضان ان مارجعت الاغراض ومانبي نعرف منهي بس ترجع الاغراض ولابتنفصلون كلكم !!!
كل البنات يضحكون ومن ضمنهم انا كنا نضحك والاداريه تعلمنا قبل تتكلم بالقروب كنا نحسب تخويف بس وكل وحده واثقه ولاحد ارتبك بعدين بالقروب قلب الموضوع جد !!!
ويوم الخميس قالت لنا بنات الرسبشن ان في مشتركه عرفت اننا مسوين لها حظر تجديد الاشتراك ( بلاك ليست ) كيف عرفت ؟ اكيد منكم وقمنا ندافع ماصدقت قالت خل يتكرر موقف انه تطلع امور من الاداره للمشتركات واسال من اللي طلعت هالموضوع وتنكرون كلكم لا افصلكم انتم الثلاثه !!! بدون نقاش
قلت لاهلي سالفه اتهامنا بالسرقات قالت اختي شكلها خطه والله اعلم تبي تفصلكم وتدور لها اعذار او شي ياانها تبي ناس جديدين ياانه يمكن اتوقع يسكرون المكان ؟
رايكم ؟ مو من حقها تكلمنا بهالطريقه ؟ ولاعمري سمعت ان شركه محترمه تتكلم مع موظفينها بهالشكل !!! صح اول مره اشتغل لكن ماقد سمعت بشي مثل كذا
وهل ممكن فعلا تفصلنا ومااعرف ليش تسوي كذا هو خطه ولاوشو
بس فعلا شي غريب حتى لو اللي سرقت موظفه وش ذنب الكل ينفصل
والموضوع مايستاهل كل ذا ؟ الا انها خطه
احسها قاعده تذلنا انا ماهمني حتى لو فصلتنا
بس ودي اعرف هي ليش تسوي كذا حتى لو تبي تفصل تفصل وبس ليش تهددنا دايم وتتهمنا بعد
وغير كذا تقول معكم لرمضان !! طيب لو افترضنا انه صدق وحده مننا اللي سرقت بتقعد اللي سرقت تنتظر الى رمضان عشان ترجعها تقدر ترجعها من بكره ليش تنتظرها لرمضان الا انها ناويه تمهلنا على الطرد الى رمضان وتجيب طاقم جديد
مااقول الاحسبي الله عليها والدعاء على قد الظلايم

نظرتي للموضوع وقد تكون نظرة غير صحيحة او قاصرة ان صح التعبير
ان الامر مفتعل بغرض التطفيش
انا من رأيي انكم تتفقوا تكلموها بالحسنى بحيث تبلغوها انكم مسامحين اللي سرقت ومو طالبين منها شيء دنيا وآخرة وان الامر بتحلوه بينكم وبعدها قيسوا ردة فعلها .
الامر الثاني لايوجد في نظام العمل والعمال شيء اسمه فصل بدون مسبب واضح او بدون اخلال ببنود العقد

خذي رسائل التهديد و على طول على مكتب العمل شكوى

هذا اسمه تطفيش واختلاق اعذار وايذاء نفسي
بس تستاهلون اللي يصير وقفوها عند حدها خاصة اذا الراتب مو قد كذا
ان فصلتكم تعسفي تقدرون تستفيدون من ساند راتب سنة
وان اشتكيتوا لمكتب العمل وطالبتو بتطبيق المادة 81 برضوه بتستفيدون من ساند والتي تعطى للعامل حق فسخ العقد
اتسمت معاملة صاحب العمل او المدير المسئول بالقسوة والجور والاهانة،

اهم شيء لا تبينوا للمديرة شيء اشتكوا اول و شوفوا ايش يقول مكتب العمل اول

المادة 81
اذا ثبت أن صاحب العمل أو من يمثله قد ادخل الغش على العامل فيما يتعلق بظروف العمل وشروطه، أو اذا كلف صاحب العمل العامل دون رضاه بعمل يختلف اختلافا جوهريا عن العمل المتفق عليه وخلافا لما تقرره المادة 60 من هذا النظام، أو وقع من صاحب العمل او احد من افراد اسرته او من المدير المسئول اعتداء يتسم بالعنف، او سوء سلوك مخل بالآداب نحو العامل او احد افراد اسرته، أو اتسمت معاملة صاحب العمل او المدير المسئول بالقسوة والجور والاهانة، أو كان في مقر العمل خطر جسيم يهدد سلامة العامل او صحته، بشرط ان يكون صاحب العمل قد علم بوجوده ولم يتخذ من الإجراءات ما يدل على ازالته، ان يكون صاحب العمل او من يمثله قد دفع العامل بتصرفاته، وعلى الاخص بمعاملته الجائرة او بمخالفته شروط العقد الى ان يكون العامل في الظاهر هو الذى انهى العقد. فاذا ارتكب صاحب العمل أي مخالفة من المخالفات المنصوص عليها اعلاه فللعامل الحق في ترك العمل وفسخ العقد مع احتفاظه بكامل حقوقه العمالية بما في ذلك حقه في كامل مكافأة نهاية الخدمة.

هي الان ممكن خايفة ينتقل اختفاء الاشياء لمقتنيات المكان
ابحثي عن عمل اخر دون أن تبلغي احد وتقدمي للمقابلات ولا تفكري في اي منشأه تهدد لان التهديد دليل على أن المكان لا يريدكمواستخيري قبل اي قرار .
الشكوى من حقكم كما ذكر الاخ في الاعلى ولكن ضياع الوقت ليس من صالحكم.