الله يوفقنا جميعا ويحقق لنا ما نتمنى

اقتباس المشاركة الأصلية كتبت بواسطة عبدالكريم المسند
إخواني انا بنقل لكم سالفة واقعيه وآنا حآضر هالواقعه
السالفه من البدايه ...
وآحد من خويآي مقدم على وظيفة وتم قبوله وطلبو منه اوراق كإجراء للقبول النهائي
وكان من المتطلبات ( برنت من التأمينات الإجتماعية )
المهم رحت انا وياه على انه بياخذ هالورقه وبيروح بعدها يوصلها لمكان عمله
وبعد مادخلنا التأمينات طلب بطاقة الاحوال من صاحبي وقال انت متوضف سابق
قال لا بتوضف انشالله بالمكان الفلاني قال غريبـه !!!!
قلنآ له وراه وش السالفه
رد الموضف مسجل عندنا انك إلى هاللحظة على رأس العمل في الشركة وذكر إسمها
قال خوي لامنب موضف ولاهم يحزنون
قال أجل خذ هالورقه واطلع للدور الثامن واشرح لهم سالفتك
طلعنا انا وياه واستقبلنا موضف وقلنا له بالسالفه جلس يطقطق بالجهاز وقال هذي الشركة الفلانيه
وهذا مكانها وهذا رقم مديرهم وهذا رقم الشركة
دق عليهم والا روح لهم وطالبهم بورقة اخلاء طرف ونصيحة قبل تاخذ اخلاء الطرف
طالبهم بجميع رواتبك الي مسجله بالتاريخ
رحنا للشركة وقلنا وين المدير قال موب فيه بس وشعندكم قلنا نبي ورقة اخلاء طرف قال روحوو للمكتب الفلاني
دخلنا الا سوداني قلنا له نبي ورقة إخلاء طرف قال انت مو موظف عندنا قال ايه مو متوظف عندكم بس
اسمي مسجل عندكم بالشركه من ثلاث سنوات وانا الى الان على رأس العمل
وعطاه خويي ورقة التأمينات وتغيرت معالم الزول
قال دقيقه خلينا نتفاهم قال خويي مافيه تفاهم هذا الورقه وعندي وانا عندكم لي ثلاث سنوات ولا اخذت منكم راتب واحد عندكم حلين إما تعطوني رواتبي الي راحت والا موعدنا بمكتب العمل
قال لا لا لا مالها داعي الشوشره انت روح وبندق عليك بالجوال
خويي عاد نزلن بالبيت وهو راح لبيتهم
عاد يحكي لي عقبها يقول نمت وصحيت فوق 20 اتصال من رقم
يقول استغربت وادق عليه عقب العشااا طلع مدير الشركة
وقال انت فلان الفلاني قال خويي ايه قال معك مدير الشركة
خويي يقول تعرف شلون يتمسكن ويترجاني ويقول خلاص بنعطيك
20 % من المبلغ قال خويي لااااا اقل شي استلمه 80% من المبلغ والا ماوراي شي
مكتب العمل فيه وانا انسان عاطل ومتفرغ لهالسالفه قال طيب ووظيفتك الي مقدم عليها
قال خويي ابعتبر نفسي ماقدمت خخخخ
المهم يقول مطالبات ومطالبات ومحامي الشركة كل شوي يدق عليه ويعرض عليه
بالاخيرر تصافوا على 70% من المبلغ الاساسي

طبعاً مسجل له راتب اساسي 2900 وبدل سكن 200 وبدل نقل 200 يعني يكون راتبه شهرياً 3330
بس مع الحسبة سحبو منه بدل السكن والنقل وقالو بنعطيك على الراتب الاساسي
وطلع له من هذي كلها فوق السبعين الف ريال
والحين متوظف بوظيفة واسمه ماشي بالتأمينات يعني استفاد من كل الجهتين

بارك الله في خويك

هذا المفروض اللي يسويه أي واحــد يلاقي إسمه بالتأمينات

هذا حــق من حــقوقه

شــكراً لك





طيب انا مشكلتي نفس مشكله الاخ لكن الفرق اني اشتغلت 3شهور فقط واخذت رواتبها وبعدها طلبو اني اغير قسمي ورفضت وقالولي لاتداومي انفصلتي ورحت من يومها وما ادري انه فيه شي اسمه تامينات ولمن راجعت اسمي قبل كم شهر لقيت انهم مشغليني سنه و10شهور وانا ما ادري ولاتوظفت في هذي الفتره ورحت وسحبت من التامينات ورقه فيها متي داومت ومتي انقطعت من الشركه وطلعت 22 شهر ايش اسوي ؟مشكلتي كانت مع المديره؟؟ياليت اللي يقدر يساعدني وراتبي كان 3300

طيب انا مشكلتي نفس مشكله الاخ لكن الفرق اني اشتغلت 3شهور فقط واخذت رواتبها وبعدها طلبو اني اغير قسمي ورفضت وقالولي لاتداومي انفصلتي ورحت من يومها وما ادري انه فيه شي اسمه تامينات ولمن راجعت اسمي قبل كم شهر لقيت انهم مشغليني سنه و10شهور وانا ما ادري ولاتوظفت في هذي الفتره ورحت وسحبت من التامينات ورقه فيها متي داومت ومتي انقطعت من الشركه وطلعت 22 شهر ايش اسوي ؟مشكلتي كانت مع المديره؟؟ياليت اللي يقدر يساعدني وراتبي كان 3300[/QUOTE]

قلب المملكه بالفعل انت رائع ومبدع وتشكر على العمل المتميز والمعلومات المهمه , اسئل الله ان يجعلها في
موازين حسناتك مضاعفة ويرزقك من حيث لاتحتسب .....

فعلا نقطة مهمة
نبهتونا كثير عليها
جزاكم الله خير

بالتوفيق للجميع

والله مو بعيدة

الله يستر بس ويرزقنا

السلام عليكم

افا عليكم الرابط موجود
التأمينات اون لاين
تدخل الموقع وتسجل في الموقع بواسطة رقم الاشتراك الخاص بك

وبعدها تتمتع بمشاهدة وضعك الإئتماني كاملا لدى الشركات او الشركه التي عملت او لازلت تعمل بها

وهذا هو الرابط
http://www.gosionline.gov.sa/

لكم مني اجمل وارق التحايا

مشكور اخوي على مجهودك لمساعدة اخوانك
انا سجلت بشركة قبل كذا وقبل ماوقع معهم العقد تركتهم
وبعد اسبوعين جتني رسالة من التامينات تفيد انهم سجلوني
كلمتهم قالو خلاص راح ينزل اسمك وبعد يوم دقوا علية قالو خلاص نزل اسمك
كيف استفسر اذا كنت مسجل ولا لا
الرقم ادق علية ماحد يرد