لو سمحت اخوي قلب المملكه
انا قدمت استقاله من الشركه اللي كنت شغال فيها بتاريخ7-1-2010
وقالو لي تعال بعد اسبوعين علشان نعطيك اخلاء الطرف مع حقوقك ..المهم جيت عقب اسبوعين
واخذت اخلاء الطرف وحقوقي
واتفاجئ بتاريخ 3-2-2010
وانا مشيك على مكتب العمل ان اسمي لا زال في التامينات وفي مكتب العمل
المهم اخذت اخلاء الطرف ونزلت اسمي من مكتب العمل ..باقي التامينات
رحت لهم وقلت هذا اخلاء الطرف وابي انزل اسمي قالي الموضف رح الشركه واعطاني نموذج رقم 3 و 4
وقال اعبيه من عندهم ويكون مختوم من الشركه .زرحت الشركه وسويت اللي قال وبعدين رجعت للتامينات
وجاء الموضف بينزل اسمي من ذا الشركه الا ويلقى الشركه موقعها الرياض وعلى طول قال اروح للتامينات اللي بالرياض كلمته اني بقدم شكوه عليهم باستغلال اسمي عندهم قال مار اح تستفيد شي لانهم كذا بيماطلون فيك وما بينزلون اسمك وبعدين ما راح تلقى اي مبلغ ما غير التعب والمرمطه بس..
المهم سالته وش السوات قال ما لك الا حل واحد انك تشيل الاوراق المختومه اللي عندك وتصور اخلاء الطرف وتروح لتامينات الرياض وشوف وش يقولون لك او تراجع المقر الرئيسي بالرياض وتكلمهم ينزلون اسمك عن طريق الموقع الاكتروني

اللي ابي اعرفه مين يتحمل هالمشاوير جيتي وروحتي للرياض وانا من الدمام
وفيه امكانيه اني اشتكيهم
ما ابي منهم اي مبلغ ابي بس ينزل اسمي من التامينات وما يستغلون الشباب
ووش العقوبات اللي تنطبق عليهم اذا فيه عقوبات
ووش الموقع اللي اقدر اشيك على اسمي منه
وهل في طريقه اني انا انزل اسمي بموجب اخلاء الطرف والنماذج اللي ختمتها من الشركه
اسف على الاطاله ولكن احببت بان تكون على اطلاع بالموضوع كاملا
اخوك الملحووووس

السلام عليكم ورحمه الله وبركاته
جزاك الله خير اخوي
معلومة جديدة واول مره ادري
ولاحول ولاقوة بالله
وان شاء الله راح اشوف اسمي موجود بالتأمينات ام لا

وانا عاطل 3 سنوات لم اعمل قط منذ عام 1428 وقدمت على كثير من الشركات وسويت العديد من المقابلات ربما قد وقعت الورقة وانا مادري وش حقها

هل اتصل على التأمينات والرقم موجود في بداية لموضوع
للعلم انا من الرياض

والسلام عليكم

بصراحه بعض الشباب ما يعلم عن ذلك