السلام عليكم
محدثتكم ولله الحمدلله معاها دبلوم اداري وبكالريوس والحمدلله خبره عشر سنوات بقطاع الخاص شاء القدر ان الشركه ينتهي عقدها مع ارامكو وطلعونا
مشكلتي للان الشركات والعقود ورفستنا الي مدري وين عايشين فيه مع ان بعضنا عندهم التزامات والله يعينهم
بعد عناء مع الشركات لمدة تسع أشهر واكثر من 7 الى 8 مقابلات الحمدلله تم قبولي بشركة بالمسمى الي انا حابته بس لما سئلتهم عن الزياادات قبل العقد قالو سياستنا جديده وزحلقوني من هالكلام
بعد هذا كله وبعد ماوقعت اكتشفت ان الي معاي راتبها دبل راتبي "انا انصدمت" طيب ليه!! مع ان المسمى نفسه
وانا قبلت بأقل من راتبي السابق لاني تعبت مقابلات ونفسيتي صارت عدم
والزيادات ماتجي سنويا.. الزيادات كل سنتين ولازم بطلب مني ارسل لهم ايميل واقول زيدو راتبي تراني استحق الزياده
وماكو عندهم سياسة ان المرأه تطلع لزوجها تأمين طبي ابدا مهما ناقشتيهم طيب لو زوجي عاطل!! لو زوجي حكومي!! احس هذي من حقوقي
وانا خايفه اقدم استقالتي والوظايفه ماتنلقى بسهوله