سلام يا جماعة

انا ابي اسأل عن اي احد له خبرة .. بسالفة اكشاك القهوة و المشروبات الساخنة

مثل بارنيز .. و غيرها

أذكر انه كان فيه موضوع سابق لكن بحثت عنه و ما وجدته

ياليت لو احد عنده خبرة من ناحية طريقة الترخيص و التصميم و المعدات و العمالة

يعطينا معلوماته و خبرته

و لكم الشكر مقدما

عزيزي أحيي فيك قبل كل شيئ روح المغامرة فالتجارة ( يبيلها قوة قلب ) ..

أما من ناحية المشروع فناجح ( بس ) أهم شيء الموقع
ثاني شيء ( الدعم المادي ) فتتكلم مثلا عن المكائن - مكينة الكابتشينو سعرها من ( 4000 - 25000 ريال ) طبعا إنت وبكل تأكيد مش حتأخذ شيء أي كلام ..

أما من ناحية الترخيص ( تعقيدات البلدية لازم منها ) وهي على النحو التالي :

1- عقد أجار .
2- انتساب الغرفة التجارية .
3- برنت الأحوال المدنية .
4- تصريح الدفاع المدني .
5- شهادات صحية للعمال . بعض الأحيان تكون بعد طلب الفيز ( التأشيرات ) .
6- ترخيص صاحب المؤجر ( صاحب الأرض ) او الصك .


قد يغيب عني بعض الطلبات الحكومية .. لكن إنشاء الله إنك قدها وقدودها ..


اتمنى لك النجاح وحط ببالك ... الأرزاق بيد الله ..

شاكر لك اخوي وما قصرت

و بانتظار اراء الاخرين

الله يوفق

الله يوفقك ويرزقك

الفكره رائعه
في معارض تقام بشكل شهري حلو الواحد اللي عنده راس مال صغير يبدا فيها وأنا مجربه واعرف ناس فتحو محلات من ورى هالشغله .
انا اعرف شركات تأجر لك المكينه وتصير التعاقد بشكل شهري وتشتغل في هالمعارض

حلو مره عشاك على القوه

انا ابي افتح و اجيب عمالة .. لكن ما اعرف وشلون و كيف

انا يقولك فكره وحده مسويتها ( سياره كوفي شوب متنقل ) في وقت معين
جب لك السياره وزركشها وجب لك عاملين يفرفرون وقت مناسب ومروس ويصير اسمك معروف في هالوقت ( وحنا ناس عجازين ونحب الأفكار الغريبه )

وبعدين لا تفكر تبدا فجئه محل ومسؤوليه كبيره لا أبدع بأفكار صغيره وتنتشر

وا1ا حاب تشتك في معرض الرياض في 22-12- 1429 لا تتردد بسؤال

تصدق أن الكشكات هذي أجارها نااااااار
في حدود 40 إلى 60 ألف في السنة وبعضها أكثر

تبغى تاخذ لك كشك من البلديات روح اسئل عنها ... كل سنة يتفتح عليها مزاد

ويعطوك واحد حسب المزاد اللي يوقف عليك

هذا من جهة

و من جهة ثانية ممكن انت تستأجر لك كشك صغير و تستخرج لك تصريح من البلديه عليه و تبداء مزاولة نشاطك فيه

بما انك ما تعرف شي عن المشروع و لا عندك خبرة عنه

انصحك تجرب حكاية الاكشاك ... اللي توزعها البلدية بالمزاد

وتشوف شغلها كبداية .. و الله يرزقك يا رب