السلام عليكم ورحمة الله وبركاته
انا عندي فكره لتطبيق ( خدمي ) .. وماحد سبقني عليه
وواثق من نجاحه اذا شاء الله

يحتاج لاكثر 100 مليون وعلى حسبتي البسيطه انه يسترد المال خلال 3 سنوات
السوال اللي ابي اطرحه كيف احسب تكاليفه بالتفصيل + وش الشرركات اللي ممكن تدعمني في الفكره

الله يوفقك وش تقصد في خدمي ؟؟

الله يحقق لك مبتغاك

في البداية بالتوفيق لك ان شاء الله و حاول تحافظ على الفكرة الى حد تطبيقها بنفسك حتى ماتخسرها و الله الموفق

بالنسبة للتطبيقات الخدمية ( اللي تقدم خدمات ) حاول اعادة صياغتها بشكل او بأخر لتقليل راس المال
100 مليون مبلغ كبير جدا و قد يكون عائق بينك وبين تنفيذ الفكرة على ارض الواقع
انصحك بالبدء لو بجزء يسير من الفكرة و بعدها تطور التطبيق الى ان يلائم الفكرة الاساسية تدريجيا
بمعنى اخر جزء يخدم جزء
وكذالك حاول تستفيد من التجارب اللي حولك مثل المواقع الصينية تقدم خدمة التسوق ولكن لا تمتلك متاجر فقط تنسق بين البائع والمشتري بحيث تحمي الطرفين وبنسبة مجزية
وكذالك اوبر وكريم مشاريع جدا قوية ولو فكروا بتوفير السيارات لكانت تحتاج مليارات فتم صياغة الفكرة بالاستفادة من سيارات المشتركين وهم يقومون بالناحية العملية مثل التسويق و الوصول الى المستفيد و ربطه بالموظف و الاستفادة من ذالك
باختصار حاول تبحث في الفكرة اللي عندك عن نقاط ممكن التنازل عنها او تأجيلها او تبديلها بشي غير مكلف.

بالتوفيق لك و للجميع ان شاء الله