الله يفتح له ابواب الرزق وحنا معاه
امين يارب العالمين
ولو انا في جدة ماراح اركب الا معاه وبنفس سعر اللمزين ما هو باقل من الاجانب الله يزيلهم

بالتوفيق يارب

شكرا لك

اسدح رقمه على الخاص فيه شباب يبغونه

ممكن الرقم الله يجزاك خير ويفرج همك وهمه

يسعدك اختي هيفين موون وربي يكرمك ومرورك اسعدني

اللهم آمين ام تميم وربي يجزاكِ كل خير وتم ارسال رقمه على الخاص

واياك اخوي راعي الهوى ولك شكري اخوي الكريم

اشكرك مجموعة خلدا وليت رقمك على الخاص للتواصل وللعلم قابلته

امس الجمعة وجلست معاه وعرفت مؤهلاته وراح اذكرها اخر ردي ..اشكرك

لانا اسبيشل تم ارساله على الخاص واشكرك جزيل الشكر

آمين سلم الطائرة وربنا ما ينسى احد وفرجه قريب وكلنا ثقة في الله ...اشكرك

آمين ابو سيف ولا حرمت انت ايضاً الاجر وشرفتنا بمرورك الكريم

نيرفانا تم ارسال الرقم على الخاص وربي يوفقكم لكل خير واشكرك

يسعدك شريطي وظائف ويكفينا شعورك النبيل ووقفتك مع اخوانك ... اشكرك

آمين نوني وشرفتينا بمرورك ربي يسعدك

العفو رامي شكري وشكراً لك على مرورك الكريم

اشكرك اخوي متزوج بطانية وتم ارسال الرقم على الخاص وربي يرزقك

الزوجة والذرية الصالحة عاجلاً غير آجل يا رب

آمين مامت جوجو وتم ارسال الرقم على الخاص ويارب يفرج همومنا كلها ...اشكرك

اختي العزيزة العزيزه اشكرك على ما سطرتي وهذا وسام شرف لي ...

دائم اقول: الناس للناس والكل بالله , ومثل ما ساعدنا اخونا ولو بكلمة طيبة

فربنا ماراح يتركنا وراح يعطي كل انسان افضل ما عمل ...

الشاب بكل امانة ثقة , وان ماوثقت فيه يعلم الله ما كتبت عنه هنا وخاصة

انه هناك اعضاء يعرفوني بشخصي ويعرفون سكني وعملي فمستحيل

اجازف بسمعتي اللي ارجو الله انها تكون طيبة لشخص ما يستحق ...

وازيدك اختي انه شاب ماعرفناه في الحي الا بشوش وطول ما سيارته في الحي

نلقاه في كل فرض حتى الفجر في المسجد رغم انه انسان عادي مش ملتزم

ولا شيء ولكن جماعة المسجد الكل يحبه وحتى في مندوبية الدعوة

يشارك في مصليات العيد وتوزيع زكاة الفطر ... يعني شاب مانزكيه على الله

وخليته يوصل اختي وبنت خالي فترة سواق الوالدة مسافر وزدت ثقة فيه ...

وارسلت له ناس والكل يمدحه ولكن المشكلة اغلبهم عندهم سواقين واحتاجوه

في الاضطرار فقط ...

حطيت موضوع عنه فوق انه اخ لنا هو أني محتاج لعون الله وفرجه في امور كثيرة...

قلت ما ادري ممكن هالعمل يكون باب خير لي ويفرجها في وجهي واهلي ...

اشكرك اختي الكريمة العزيزه وشاكر لك اهتمامك وتشجيعك وبيض الله وجهك

وللاخ الكريم مجموعة خلدا راح اذكرك لك ظروفه بس انتظرني اشكركم

اخوي مجموعة خلدا ...

عمره 28-30 سنة , تفاجأت انه جامعي متخرج من جامعة الملك عبدالعزيز

من قسم علم النفس وينتظر رقمه في الوظائف الصحية بوزارة الخدمة المدنية

بمسمى (اخصائي نفسي) ولديه المام في استخدام الحاسب والانجليزية عنده

تحتاج لتقوية ...

بحث عن وظيفة ولكن للاسف ولقى حارس امن ب1800 ريال

وخجلوا الشركة منه لانه جامعي فقالوا نسوي لك استثناء ونخليها لك 2000 ريال!

قال بدل ما اجلس فارغ خليني اكمل دراسة الظاهر انه مجتهد مش لعاب

فدخل ماجستير والان طالب فيه وشايل اهله معاه وخاصة انه رجل البيت

وصار يسعى بسيارته وطبعاً العوائل في جدة يخافوا يركبوا مع خصوصي

من الشارع فمابالك يكون سعودي فالخطر اكبر ...

طلب مننا نساعده في موضوع الرخصة العمومي لانه يتمنى يحول سيارته ليموزين

ودخل الاختبار مرتين وما نجح لانهم يخلوه يسوق ونيت ودينا وسيارات كبيرة واقل

غلطه يعطوه راسب ...

ان عندك اخوي الكريم او احد الاحبه وظيفة تناسبه او حل في مشكلة الرخصة

العمومي فأتمنى تخبرنا عنها ....

معقولة في بلدنا وصلنا لهذه الدرجة , جامعي كأنه انسان أمي غير متعلم في دولة

اخرى ؟؟؟؟؟ سافرت دول كثيرة ووجدت انه سائق التاكسي غالباً شهادته بسيطة

اما عندنا فيا للعجب وفوق هذا حنا دولة من اغنى دول العالم ... الشكوى لله

شاكر لكم اخواني ... وان ما وقفنا مع بعض صدقوني ماراح احد يوقف معانا ...

هذا اخ لنا في الدين والوطن فخلونا نمد يد العون له ... شاكر لكم وتحيتي

ممكن الرقم لان عندي معلمات يطلبون سائقين يخاافون الله