السلام عليكم ورحمة الله
أرغب بعمل دراسة جدوى لمشروع كوفي نسائي
بالرياض ..
من لديه الخبره يتواصل مشكوراً .

جدا" ممتاز الكوفي بس كيف تتميز هذا يرجع لك
في طرح الافكار المميزه وجذب الزبون وجعل المكان جميل لجذب الزباين
والنقطه المهمه اختيار الاستاف المتميز وفقني الله وياك لكل خير طال عمرك
والصبر جدا" جميل والله يسعدك
تقبل مروري المتواضع

اتمنى التأني في الموضوع حتى بعد الحج
ودراسة السوق و الموقع و الحي قبل كل شيء
الكوفي مشروع سهل ... و اغلاقه سهل بعد الخسارة لا قدر الله
قبل تبدأي الفكرة احذرك من واقع تجربة باختيار العماله الجيدة و التصميم الجيد و الموقع المناسب من ناحية سعر الايجار و المساحة و ترتيبه ليكون موقع لجذب الاجتماعات و الحفلات الخاصه وحفلات المدارس وترتيب دورات شهريه فيه او محاضرات علمية و مشاهير وهذي كلها تعتمد على قوة علاقاتك
هذي كلها اهم من دراسة الجدوى

تحتاجين خطة عمل وخطة تشغيلية مو دراسة جدوى

الموقع
المستهدفين ( بنات شابات - كبيرات - متاقعدات )
المنتجات
الاسم التجاري
التصميم
العاملات

جاوبي على اللي فوق وتلقين نفسك مو بحاجة احد

الموردين
صن كافية
العليان

الكوكيز فيه مورد ممتاز بالعقيق الرياض يورد لستار بكس وجامعة نورة
البن عندك محمصة القهوة وخطوة جمل او الشركات المعروفة وتلقينهم بصن كافية موقعه الملز ش صلاح الدين

موفقة

بالتوفيق