ليت الردى في عالم الطب له منع
والطيب ... له عند الأطباء زراعه

وليت العوايد ياهل السلم والطبع
تنسخ وتلصق ؛ مثل ما بالطباعه

وليت الثقه من يخلق الرجل تزرع
في داخله ... ويصير عنده قناعه

ما كان شفنا اللاش والخبل والدنع
ولا افتقد ؛ بعض الرجال الشجاعه

وليت الربع يدرون ؤش تعني الربع
وليت الجماعه ... يعرفون الجماعه

ما كان شفنا الظيم ينزل مع الدمع
ولا شكينا ؛ من بعضنا ... القطاعه

وليت العرب ؛ للحق تصغي وتسمع
ما كان نور الحق ؛ يحجب شعاعه

وليت الظماير ؛ لا اعتلا الحق تقنع
في وقت فيه الحق ... مثل الوداعه

وقتن ؛ به الأنذال ؛ تطرح ؛ وتجمع
والكفو ؛ يعجز ...لايسوم البضاعه

والي قبل يخاف من طاري السبع
اليوم ؛ من ظله ... تخاف السباعه

على كذا ... قلنا لو الطيب ؛ يزرع
زرعته بقلب الردي ... من الجماعه
..............

صح لسان الشاعر
وتسلم يدك

شكرا ع المرور