السلام عليكم ورحمة الله

انا مواطنة واشتغل في منشأه قطاع خاص وصارلي اكثر من 7 شهور ولا اضافو اسمي في التامينات الاجتماعيه
وانا منزعجة لان اول مرة اشوف وظيفة مايدخلون الموظفة بالتامينات وكلما اسألهم يصرفوني ويقولون في مشاكل ادارية وممكن تنضاف في الايام الجاية.
انا المستفيدة اني اقدر اجدد بطاقة التصنيف الصحي لاني على راس العمل لكن هم ايش مستفيدين لما مايضيفوني في التامينات زي اي موظف..
البعض قالو اشتكي عليهم عند وزارة العمل لانها من حقوقك..

ودي اسمع ارائكم ومشورتكم الله يجزاكم خير..

الفائدة الاولى: عدم دفع المبلغ الخاص بهم للتأمينات لان المبلغ يقسم ل 2 جزء من راتبك وجزء من عندهم
الفائدة الثانية :عدم دفع غرامات وممكن وزارة العمل لا تعلم عن هذه المنشأة من الاصل لذلك لا تسجل في التأمينات لان التأمينات ترسلهم لزكاه والدخل ليتموا تسجيلهم في التأمينات فلابد من الاقرار الضريبي والزكوى الان على حسب نشاطهم والمبالغ الداخلة لهم.
...................................
التأمينات لو اشتكيت لهم الان يسجلوا المدة لك كتقاعد وخبره - ويخصموا المبلغ المستحق مستقبلن من راتبك.

هي المنشأه مرخص لها..طيب لو اشتكيت مافي احتمال يطردوني من الشغل

تقدري تثبتي
بعقدك تاريخ توظيفك وتاريخ انهاء خدماتك

بالنسبة لمدد الاشتراك تقدري تضيفيها بأثر رجعي


اذا اشتكيت ما تعرف ردة الفعل قد ما يجدد عقدك
او تنهى خدماتك

هو بعد للان ماتم توقيع العقد..بس اشتغل واخذ راتب كل شهر
ايش الحل الله المستعان!!

كلنا نخاف نفقد وظائفنا
بس المنشأة اللي تعمل فيها ما فيها خير ولا امان

من رأيي توثقي تاريخ مباشرتك للعمل
و تتوجهي الى مكتب العمل بشكوى رسمية


في عدم تسجيلك بالتأمينات و عدم وجود عقد عمل

لا تشتكي في وزارة العمل باسمك نهائياً انت الان ارسل اي احد يبلغ عن المنشأة باسم بعيد عن اسمك ولقبك وله مكأفاه تبيلغ ويبلغ عن عدم وجود عقود لبعض الموظفين ومرر معلومة للتأمينات لان التسجيل لا يخص وزارة العمل ولا يسجلوا احد وبلغ عن عدم ان بعض الموظفين دون تسجيل لان الشكوى باسمك تروح مباشرة للمنشأة وتروح فيها الحرص واجب .
عليها غرامة 5000 على العقد وغرامة على عدم التسجيل .

يعطيكم العافيه..ماقصرتوا
تواصلت مره اخرى مع الادارة وافادوني ان ماعندهم ترخيص حق وظيفتي عشان كذا ماسجلوني بالتامينات وماعطوني امل اتسجل، وقالولي انتي مخيره تكملين او تتركين..
هل معناه راحت علي هذي السنة او اقدر اعوضها لو رحت منشأة ثانية؟