ان كـان مالـك واسطـه بالدوايـر
والله ماتلقـى مـوظـف يـقـدرك
كانك ماتعرف مـن وجيـه الاكابـر
صاحب معالي محـد غيـره يدبـرك
لو انت صاحب حق يمكـن يصـادر
تقلب لـك الدنيـا وتكثـر عثايـرك
ويمكن بعـد باكـر تـدور الدوايـر
وبدال مـادور علـى الخصـم دورك
ولن كان خصمك له مع الناس ساير
لاوالله اللـي ماتـرقـع خسـايـرك
لو انت من فعلـه تشيـل الجبايـر
يصبح هو المكسوروالصح كاسـرك
وتكبر عليك اكبـر مـن ام الكبايـر
ياتنتحـر فعـلا ياتنحـر مشاعـرك
بالواسطه تسيـر لـو انـت حايـر
وبلا وساطه فانت ماحد(ن) بناظـرك
لو انت واحد مـن كبـار العشايـر
ان كنت ماتعـرف فريـح ضمائـرك
بالواسطـه تدخـل بلـيـا تـذاكـر
وبلا وساطه ماحـد يقـدر يمـررك
واللي غبي بالواسطه صـار شاطـر
وشاطر بليا واسطه ويش حاشـرك
وبالواسطه يقـوم لـك كـل بايـر
وتصبح طلباتك كمـا قيـل اوامـرك
وبالواسطه تبني قصـور وعمايـر
وبدونها لو مـت يمكـن مانقبـرك
اليـوم هالدنيـا ثـلاثـة منـابـر
كانك حداهم لو تكفـر مـا اكفـرك
لامـيـر ولـوزيـر والا لتـاجـر
وباقي البشر صفر مكعب على ايسرك
هذا الذي في وقتنـا اليـوم صايـر
انشد مجرب واقـع الحـال يخبـرك
واسباب مايحصل خـراب الضمائـر
ماتسمعه وتشوف بالخوف يشعـرك
للشاعر شعيل الزلامي
12-11-2008, 01:01 PM
العرض الشجري
