الله يوفقك ان شاء الله
انا من وجهة نظري"يمكن ماتعجب احد "
لما قلت انك صيدلاني يعني فكرة تفتح صيدالية يعني جد فيه صيدليات كبيييره يعني لو بتدخل لازم تدخل دخلة قوية مو بـ 90 الف

اما انك تفتح مركز رياضــي وحبه حبه يكبر المشروع . نسائي او رجالـي
او مطعم عليه الكلام شي جديد المطاعم اذا كانت تقدم شي تمام ماتخســر ان شاء الله
او بقالة هذي الشغلات ماتخسر ان شاء الله خصوصا لو عرفت تختار الموقع وعرفت تشغله تمام .

اما انا برأئي ولو معي فلوس ماسويت غير (( عقااااااااااااار )) عمارة او محلات تجارية
تأجرهــا

لانه احسن شي وربحها اكيد ان شاء الله وثابت اهم شي في الموضوع تميز
الموقع وتكون الافكار جديده شوي .

واذا جاتني أفكار ثانية بجي اقولها

الله يوفقك ان شاء الله ويرزقنا ويرزقك

الله يوفقك اخوي .
ليش ماتفتح محل عطاره في مجال تخصصك حلو وبتكسب بدال البنقاليه اللي يشتغلون بالمحلات بلا موهلاات .
تقدر تخلط مواد وتسوي وصفات خاصة بمجال دراستك مثل جابر القحطاني .
ولا فتحت مشروع فكر توظف عيال ديرتك اول .

محل زينة سيارات

الله يوفقك وتراني حاسة بوضعك لأني نفس
الشيء عندي أنا وزوجي مبلغ وحابين نشغله
أدعيلنا ..
وإقتراحي إنك تقسط سيارات تراها فكرة مربحة
جداً عارف هذي الأيام الأقساط على وذنها شغالة
وهذي فكرة لمشروعي أنا ..
أدعيلي وأدعيلك من كل قلبي الله يوفقك..

الله يوفقك يالغالي بالنسبة لمؤسسة اجره عامة يحتاج الى ترخيص من وزارة النقل واجراتها معقدة الا اذا كان فيه عقد باطن بينك وبين احد شركات الاجرة الواثق فيهم
اقترح لك كم مشروع

1-شرا معده وتاجيره بعقد طويل ( الدخل الشهري لايقل عن 15000 )
2- مشروع نقل حجاج ومعتمرين ( الدخل الشهري لايقل عن 8000 ) اذا كنت في جدة
3- تقسيط بطاقة سوا او مكيفات ويكون المحل لك ( الدخل الشهري لايقل عن 15000 ) من غير عقود المستثمرين
4- فتح محل عطارة ويكتب لصاحبها الصيدلاني ..... ( الدخل الشهري انت وشطارتك ) لكن راقب الله بالسر والعلانية
5- عندك في جدة الجملة سواء كانت ملابس او اجهزة كهربائية او اكسسورات ويكون لك موزعين في مناطق المملكة
6- تكون وكيل اكثر من منتج تجاري او وكيل شركات عالمية وتطلع ذهب
7- شراء سيارات امريكية من جدة وعرضها .

بالتوفيق لك يالغالي ولاتنسنا من دعائك

الله يوفقك

الله يفتح عليك

أخوي أستورد تريلا وأجرها بـــ 15 الف صافي لجيبك ...

أو أستورد رؤؤس تريلات وبيعها بالسوق بأقل من سعره يعني لو تجيب مان مديل 97

يكلفك واصل لبيتك 80 الف ... وتبيعه بأقل من سعر السوق ... سعر السوق حوالي 120 - 140 الف ..
أنت بيع بــ 110 الف .......... وتعييييييييييييييييييييين خير ...... أسال مجرب ..

وإذا كنت حاب تشاركني في أننا نكون وكلاء لمنتج معين أو شركة إستيراد وتصدير فأهلا ً بك ,,,,,,

أنتظر جوابك...................

سامي

مشروع الأجرة ممتاز ............ وكمان لو حبيت ندخل شراكة لايوجد مانع ....