مرحبا بنات كيفكم؟
البنات اللي تخصصهم انجليزي فيه وظايف كثير اليومين هذي في المدارس الأهليه وبعض المعاهد
ومحتاجين معلمات انجليزي بأسرع وقت
1. كلمت مدارس ابن خلدون(رواتبهم 3000) وقالو عندهم احتياج
2. أرسلت سيرتي الذاتيه لدار العلوم(رواتبهم 3000 أو أقل بشويه) وكلموني من وقتها وخيروني بين متوسط أو رياض أطفال
اليوم الثاني كلمتني مشرفه اللغه الانجليزيه أسمها ايناس وطلبت مني أجي أسوي مقابله شخصية
واشوف الفصول والطالبات وبعدها أشرح درس وبعدها كلمتني كم مره
3. كلمت رياض نجد(رواتبهم 3400) وقالو نفس الكلام ورحت لهم وسويت الاختبار والمقابله يوم الاثنين
ويوم الاربعاء حضرت بعض الحصص وطلبت مني أشرح درس يوم السبت ونوقع العقد
وطبعا لظرف خاص صرفت النظر عن الوظيفه لكن حطيت الموضوع هنا للفائدة
وناويه أكلم المشرفه اللي في رياض نجد وأبلغها أني ما راح أجي وهي على فكره قالت لي لو تعرفين أي وحده متخرجه انجليزي خليها تجي
بالنسبه لابن خلدون ودار العلوم ما اعرف عنها كثير
بس رياض نجد من تجربتي اليومين اللي داومت فيها
فهي مدرسه كبيره وممتازه
الأداره متعاونه المديره قابلتها بنفسي تعامل راقي وتواضع وذوق
مشرفه اللغه النجليزيه كلمه nice قليله عليها اسمها نسرين متعاونه وخلوقه وتمشي معك حبه حبه
اذا ما عندك خبره بالعاده ما تطلب منك شرح درس لحد ما توريك المدرسه والفصول
و تحضرين بعض الحصص
الراتب الاساسي 3600 بس بعد ما يخصمون 200 تأمين يكون 3400
وطبعا راتب ماشي طول السنه
الدوام 6:45 الطابور
1:30 انصراف الطالبات
1:40 انصراف المعلمات
فيه حضانه وروضه للأطفال للي عندها اطفال وبالنسبه للروضه خصم 25% لأطفال المعلمات اللي مر على توظيفهم سنه
بالنسبه للطالبات فيه مجموعه كبيره خارجين عن السيطره لا أدب ولا احترام ولا يحسبون حساب أحد
وهذا واحد من الأسباب اللي خلتني أصرف نظر عن الموضوع
بالنسبه لي ما أقبل بأي تجاوز داخل الفصل وهم متعودين ان معلماتهم يسكتون على بعض تصرفاتهم
من ازعاج وسوالف وضحك توصل للخروج من الفصل بعض الاحيان والمعلمه واقفه
وطبعا بالمقابل فيه مجموعه كبيره على قدر عالي من الأخلاق وبالذات بنات قسم التحفيظ
هذا كل ما عندي والله يوفقكم لما فيه الخير
واللي ناويه الوظيفه تجهز نفسها للمقابلة والاختبار وشرح الدرس وتتوكل على الله وتروح
وما أبغى غير دعواتكم لي

شكرا لك

__________________
ومن يعمل من الصالحات وهو مؤمن فلا يخاف ظلما ولا هضما

الله يعطيك ألف عآفية..
أنا ارسلت سيرتي الذاتية لمدارس دار العلوم بس عالإيميل .. وما وردني منهم رد..
وارسلت لمنارات الرياض فاكس.. وكمان ما وردني منهم رد..
هل يحتاج أكلمهم .. يعني أتصل عليهم أو أروح لهم؟
أما لباقي المدارس اللي هي ابن خلدون و رياض نجد .. هل فيه شروط معينه ؟
والتقديم يعني أروح لهم ؟ أو أرسل إيميل أو فآكس؟

الجلسه بالبيت جداً مملة.. جداً!!!

هل في حال ربي كتب ان شاء الله .. أبدأ معاهم على طول؟

اذا تخصصك انقليزي تبدين على طول

والله يعينكم على التدريس

يجيب التجاعيد بالوجه

<<<<<< مجربه التدريس

شكرا لكم

انا ودي بعد

الله يوفقك يا رب ويختار لك مافيه الخير

ساتونه
أحيانا ما يهتمون بالسيرة اللي توصل على الفاكس ولا الإيميل
الأفضل تروحين تقدمين طلب وتكونين مستعده لاختبار ومقابله لأنه يمكن يطلبونها منك في نفس اليوم
مافيه شروط بالنسبه لرياض نجد غير انك تكونين حاصله على البكالريوس
وبالنسبه لابن خلدون ماعندي علم
وفي حال الله كتب لك نصيب بتبدين معاهم على طول ان شاء الله بعد ما يعطونك يومين او ثلاثه تتعرفين على الوضع وبعدها تشرحين درس راح توقعين معاهم العقد

اذا رحتي رياض نجد اطلبي تقابلين الاستاذه نسرين
واذا رحتي دار العلوم شوفي الاستاذه ايناس
لأنهم هم المسؤلات عن الأمور هذي

طايحه بالبيت
انا ما جربت التدريس بس الظاهر يجيب ماهو اكبر وأخطر من التجاعيد في الوجه
بس اللي عندها قدره تحمل وعزيمه راح تستفيد خبره

عزيزتي ممكن تعطيني رقم رياض نجد او دار العلوم ؟

شكرا

الله يجزاك خير ممكن رقم ابن خلدون و رياض نجد ...