مشروعي والجمارك

ALMAS · #1 (**permalink**) 12-09-2018, 03:07 PM

السلام عليكم
في راسي مشروع بس احتاج اجيب المواد الاوليه من برا وتحديدا من موقع على اكسبريس
المشروع بسيط وهو
قوالب سيليكون لتشكيل الشوكلت واحتاج عدد قوالب في حدود 70 قالب ، ومتردده اطلب او لا .
اخاف الجمارك تصادر الشحنه بحجة استعمال تجاري
أو تفرض علي رسوم أضافيه .

راسلت الجمارك بس للاسف ماجوبني .

فاللي عنده خبره ومعرفه بالطلب من علي اكسبريس و انظمة الجمارك لا يبخل علي بالمشوره
كيف ادخل الشحنه بالسليم بدون ماتتصادر او يفرضون علي رسوم ممكن تكون عاليه ؟
وهل يمكن من فتره للثانيه اطلب من نفس المتجر ونفس المنتجات أو يدققون فيها لان سمعت من البعض انه لا يمكن الطلب من المتجر مره ثانيه لان الجمارك ممكن تعتبرها تجاره ؟

بكيفي انا حر · #2 (**permalink**) 12-09-2018, 03:59 PM

طلعي سجل تجاري من موقع وزاة التجاره النشاط استيراد وتصدير عادي سهل وسوي اشتراك في الغرفه التجاريه وبعدها اطلبي عينه من القوالب ووديها لهيئة المواصفات والمقايس في جده او اطلب من المصنع نفسه يجيب لك شهاده من المختبرات في الصين معتمده لساسو عندنا وبعدها اطلب زي ماتبين بس اهم شي تعدي من المواصفات والمقايس واعتقد مايدققون فيها لانها منتج ماله علاقه في الاستخدام المباشر للناس سواء اكل او لبس فما راح يدققون عليها كثير ولكن كميه مثل هذي تحتاج سجل تجاري وفسح من الجمارك بموجب موافقة المواصفات والمقايس