السلام عليكم ورحمة الله ..

انا حصل لي اتصال من مالكة مركز تدريب قالت لي بسرعة ( انا ابيك مديره تشغلين المركز تقومينه تمسكينه لي واضح انها مو فاضيه وتبيني امسك زمام الامور واخطط لمركزها المركز غير شغال له فترة وسألت عن التراخيص قالت باقي يعني حاليا غير مرخص وعن هدف المركز قالت بصفه عامه دورات ذاتية مكياج اي شي مافي شي مخطط ... انا في حبرة كيف اضمن حقي اذا مسكت الامور وخططت لها ... قالت بالاخير اذا مااشتغل شهر شهرين بعرضه للتقبيل .. ))
..

اترك لكم التعليق والمشورة عن هذه المشاريع وتعطوني رايكم ضروري

و عليكم السلام

من الناحية الادارية اتوقع ان عقليتها ليست عقلية تجارية و انتي اقرب لها و ممكن تعرفينها أكثر اذا عقليتها رزينة و تقبل التطور و الاستثمار طويل الاجل لازم تكون عندك خطة جيدة عشان تبدأين

يعني لازم تسوين دراسة و اذا ما تعرفين فية مكاتب استشارات تسويها لك. و من ناحية حفظ حقوقك اتفقي معها بالنسة معينة اذا انتي راح تشغلين و اكتبوها علئ ورق عند مكتب محاماه.

الحريم هذولن مجربتهن
لا تثقين بهن مثل وحده طلبت مني وراحت تغريني انها تعطيني اذا جاها شي
يوم ساعدتها وجاها مقسوم الله اسحبت علي الله لايوفقها
انا من رايي تتفقون على النسبه وتحفظون حقوقكم عند محامي
حتى لو انكرت ترفعين عليه قضية
الله يوفقك ويكفيك شر من به شر امين يارب

الله يعطيكم العافيه طيب كيف اتفق معها بنفس معينة|؟؟ ممكن توضيح اكثر

هي وعدتك براتب ولا بنسبه من الربح
20%

بالتوفيق

ماوعدتني بشي لا كذا ولا كذا بس قالت نشتغل سوا وتقومين المركز وتمسكينه لي وهالكلام يعني ماهي فاضيه

خويتك مو راعية تجارة لأن الاساس بالتجارة الصبر والصبر وهاذي مشاءالله قالت شهر شهرين وبقبله خليها تسوي له دراسة جدوىى احسن من طريقتها شختك بختك ياتصيب ياتخيب لعب اهي

اما اهي من ناحيتك اتوقع والله اعلم انها فعلا موب قاضيه وتبي تمسك ان نجح عطتك المقسوم حسب ماتبي
وان مانجح قالت شوفت عينك خسرت عشان كذا الي اوله شرط اخره نور