أولا شكرا للجميع على المرور ومساعدتي الله يجزاكم خير

أخوي البقعاوي ما قصرت وأنا بانتظار مساعدتك

دبلوم صنايعي ههههههههه كنك داري بس أنا قاعدة أقنع نفسي أنه مو حظ وأن ربي بس يختبر إيماني بابتلائي عشان ما أكفر وتصدق عندي مميزات ثانية مررررة عالية بس فضلت ما أعرضها حفاظا على خصوصيتي..شكرا لمرورك

أخوي وليد شكرا لك


ولد جدة أنا والله ودي بس المشكلة أني أغطي وجهي عشان كذا راح تكون مشكلة كبيرة لي لأن ما أحد يتحمل الغطاء مدة طويلة إلا من رحم الله، الله يعطيك العافية وصدقني بإذن الله لك أجر كأنك موظفني..

المسافر ..صدقت والله هذا الموضوع حسيته من كل الموظفات اللي سوو معي مقابلة حتى وحدة مرة علقت على الموضوع، وأنا أفكر جديا أصير أغبي موضوع الماجستير

تمر جصة ، توني رايحة للديوان قبل أسبوع رفضت تستلم أي شي وعيّت تعطيني استمارة أعبيها تقول ما نزل وظايف تناسب تخصصك، قلت لها يابنت الحلال باعبي استمارة وحطيها مع وظايف الاحتياط قالت لأ، لما نعلن عن وظايف تعالي وعبي وساعتها نحول استمارتك على الاحتياط،----على قولة أبوي خووووش والله!!!

الله يجزا الجميع خير اللي قاهرني هو أني تعبت بالدراسة كل هالسنين وبالآخر ما لقيت وظيفة،،، وهذني قاعدة أحاول أشتغل مشاريع صغيرة وأبيع أعمال يدوية بالطلب بس المشكلة أني دائما بحاجة راس مال عشان أوفر الخامات قبل ما أبدأ بس الحمدللة دايم تتدبر...

الله كريم

أخوي المسافر فيه قسم نساء بأرامكو الرياض؟؟؟؟

أنا لي 6 شهور مقدمة طلب وظيفة على موقعم بالنت بس ما جاني شي

أتمنى ترد علي!!!

هلا والله اختي

بالنسبة للتقديم خل منك الرياض ارسلي السيرة الذاتية حقك الى الظهران هم المعنيين في التوظيف
وانا اتمنى لو انك هنا بالشرقية كان فية مجالات كثيرة راح توظيفين عن طريقها بارامكو حتى لو كان بنظام التعاقد مع شركة ارامكو من خلال عدة شركات موجودة بالشرقية ومن خلالها راح تثبتين جدارتك وتترسمين عندهم واساسا حتى رواتبهم تكون عالية وصدقيني ما فية احد توظف بنظام التعاقد وما ترسم بارامكو الا نادرا مرة

اتمنى لك التوفيك يارب

أشكرك أخوي جزيل الشكر، وفعلا أنا حاليا أفكر أروح الشرقية خاصة وأني بديت أشوف وظايف شاغرة هناك تناسب شهادتي والحمدللة أقتنعوا أهلي ، أنا هالحين مقدمة على الكلية الجامعية بالجبيل بس الله يسهلها وياخذوني وما يسوون زي أكثر الجهات الأخرى اللي يفضلون الأجانب علينا..
وبالنسبة لأرامكو أنا راجعت طلبي البارح ومالقيت شي، الظاهر عشاني حاطة أني أبي عندهم بس بارجع وأغير طلبي وأحط أنه لامانع لدي من العمل بشركات أخرى متقاولة معهم..

الله يكتب اللي فيه الخير وشكرا جزيللا لكل من حاول يساعدني ولو بقراءة الموضوع فقط..
بالتوفيق

هلا بك الفراشة
سعدت جدا بسيرتك التي ماشاء الله تبارك الله 00 يوجد وظيفة تناسبك لكن في مجال الاعلام والعلاقات العامه ومافيها اختلاط وارتباطاك سيكون بالمدير العام مارايك

أخوي رواد الإعلام الله يجزاك خير وهذا هو المطلوب، أتمنى أنك تساعدني وترشدني على وين أتجه عشان أقدم على هالوظيفة؟؟؟؟؟؟؟

شكررررررررررا جزيلااااا
بانتظار ردك بفارغ الصبر

ميب مشكلة أخوي خذ وقتك... أنا بس كنت خايفة أنك ما عاد تدخل عالموضوع، متى ما قدرت بعدين علمني، الله يجزاك خير..

وأتمنى من الاخوان مشرفي قسم طلب وظيفة يساعدونا بهالمشكلة وانشالله راح تكون في ميزان حسناتهم..

هلا بك عندي اقتراح ادخلي دبليو دبليو دبليو قبل الاسم يطلع لك موقع الوكالة وتجدين فيها كيف الاتصال بالمدير العام