هذي قصة حصلت لي أثناء سفري للرياض المهم لما ركبت النقل الجماعي
جلس بجنبي اثنين وكان مهسترين وفجأة وبدون مقدمات سألني واحد منهم عن اسمي فخبرته عن اسمي وسألته عن اسمه فقال لي انا أبو نايف قلت له والله والنعم وصديقك وش اسمه فقال اسمه حمد الشمري قلت ومليون والنعم فيه قال لي وش عندك في الرياض قلت له أدور على وظيفة ماتعرف احد هناك قال اعرف وأعرف وظيفة بواسطة هناك اذا تبغاها قلت إيه والله ساعدني قال لا تتحمس امزح معك (إحباط) قلت له وش عندك أنت هناك قال والله زيارة أصدقاء عندي صديقين واحد ينقال له المهندي والثاني العنزي المهم وقف الباص في إحدى الاستراحات ونزلنا البقالة وبعد ما اخذت واحد بربيكان تفاح وحبة بسكويته وهو أخذ بايسن مع كراميل نوجا بنكهة الفراولة سألته ليه قال هذا يخليك كلك حركات وينشطك وبعدها حلف علي اني ما ادفع الحساب وبعد ما أصر علي سمحت له ورجعنا وركبنا الباص سألته انت عزوبي ولا متزوج ابتسم وقال أنا متزوج بالبطانية فلت ليه ماعندك وظيفة قال لا انا عاطل من عام ترمس قلت يعني عاطل من سنة 1970 قال تقريبا فقلت له وصديقك مثلك قال لا هذا بدوي في كل شئ وأهله معظمهم من البادية أمه راعية الإبل ماتعرف لا تلفزيون ولا غسالة وأخته راعية مشاكل في المدرسة مافيه بنت ما أكلت صفعة منها لدرجة إنها حلفت تقطع شعرهن قلت هذي ضاربه فيوزها قال أكيد بس في نفس الوقت هاديه لدرجة إنهم يسمونها عازفة الصمت وأبوه ملازم متقاعد من القوات البحرية وأخوه مساعد مهندس قلت له وكيف البطالة معك انشالله ما تعبتك قال لا تخاف علي انا يلقبوني بمتحدي البطالة قلت الله يوفقكم بالوظيفة اللي ترتاحون فيها فقال لي والله يوفقك انت بأحلى وظيفة قلت إيه والله تكفون ادعوا لي أتعين , قلت وعسى عندك شهادات وخبرة قال عندي والعاطلين ماهم سوا فيه عاطل بليد وفيه عاطل فاهم قلت اكيد هذا الشئ معروف وفيه أشخاص محظوظين تلقى شخص مطلوب من كل الشركات وفيه شخص مقرود تلقاه مطلوب من العطالة يعني القرادة وراه وين مايروح قلت وش عندك من شهادات قال عندي دبلوم ميكانيكا قلت حرام عليك هذي الشهادة يبحثون عنها كل القطاعات العسكرية وبعض الناس يسميها أم الوظائف من شدة اهميتها قال النصيب ما انكتب لي فيها, قلت تحب تتابع الرياضة قال اكيد قلت ومن لاعبك المفضل محليا قال الكاسر ياسر القحطاني وقلت وعالميا قال تووتي الايطالي قلت وش تشجع قال الهلال قلت تتوقع تحققون الدوري قال والله مؤمل خير بس سمعت ان الهلال بيتعاقد مع لاعب اسمه خالد الشفا ويلقبونه خلودي وبس بأربعين مليون ريال بس فيه لاعبين يحتجون على هذا الرقم الخيالي ويقولون كبير وإحنا لازم نأخذ نفس المبلغ قلت له عادي هذي ثورة الجياع ومسكين اللاعب اللي اعتزل قبل لا يأمن مستقبله بهذي الملايين راح يكون أسير الظلام ومستقبله مظلم ,سألته عن الأفلام والمسلسلات اللي تحب تتابعها فقال لي فيه فيلم جديد أعجبني اسمه dazzling girl وفيه فيلم سعودي جديد ماسمعت عنه قلت إلا اعرفه اسمه adu seif, و المسلسلات فيه مسلسل أحب دايما أتابعه اسمه الوردةالبيضاء , بس هذا المسلسل رغم انه حزين أحيانا بس فيه عبر كثيرة وتستفيد منه وكاتبه بصراحة أحب أتابع جديده دايما لان عنده احساس قلم ووحي قلم عجيب ,سألته عن هواياته قال أحب أتابع افلام الكرتون وخصوصا فيلم مس بسه جدا كوميدي وأحب اكتب الخواطر وسمعني خاطرة بعنوان الحب لولا عيونك قلت له ياحظك ناسي هم البطالة وتلقى وقت تتابع , قال لي وليه أشيل همها ؟ هو أنا الوحيد في المملكة عاطل ! فيه عاطل في جدة وفيه عاطل الشرقية وفيه عاطل الرياض وفيه عاطل سكاكا ,قلت آه يالسنين تركض وإحنا مالقينا وظيفة وأنت تقول لا تشيل هم,قال ياخوي هونها وتهون الواحد لازم يكون متفائل ومآجمل الأمل, لاتشيل هم وراح يفرجها الله عليك من حيث لاتحتسب ولاتنسى ان رزقك مكتوب من يوم انت جنين في بطن أمك ,وخلي عندك أمل وكل يوم قول غدا يوم أخر وفي لحظتها وصلنا الرياض وكانت هذي أخر كلماته لي

بـصـرااااااحـــــــة رحــلــــة مـمــتــعــــــة
وقــــــــصـــــــة راااااااااااائـــــــعـــــــــــة

الله عليك والله اعجبتني والله ابدعت . .............................. بس اذا عندك هذي الموهبة ليه ما تستغلها والله تصلح كاتب سيناريو مبدع اتمنى لك التوفيق باذن الله ...

هههههههههههههههههههههههههههههههههه
تسلم على القصه الحلوه

نسيتني

عاد اسمي مااحلى منه

من سمح لك تنساه

اسمي من كلمتين مو صعب

عاطله ومنسيه وماانشاف
ــــــــــــــــــــــــــــ

انت ابدعت ماشاء الله عليك
وننتظر ابداع ثاني فيه اسمي

يعطيك العافيه

وفيه فيلم سعودي جديد ماسمعت عنه قلت إلا اعرفه اسمه adu seif