السلام عليكم ورحمة الله

انا استلم من التأهيل الشامل اعانة لفقر الدم

وقبل فترة مادري وش صاب أذني وصرت ما اسمع منها وبعد علاج وخرابيط الدكاترة قالوا لي إنت عندك ضعف في العصب السمعي وتحتاج سماعه لازم تركب سماعه

المهم اعطوني ورقه فيها تخطيط السمع ورحت ابغى اشتري لي سماعه وطلع سعرها شي خيالي بصراحه كنت افكرها زي سعر سماعه الأيفون ههههههههههه

قلت مالك حل غير تروح التأهيل الشامل
وانطلقت للتأهيل الشامل واعطيتهم الورقه وقال لي احنا الحين مانعطي سماعات بس نعطيك مبلغ تشتري فيه سماعه وقال لي بس هذا التخطيط روح المستشفى وخليهم يختموه وارفقه مع تقاريرك حق الأنيميا وارسلهم على الموقع

المهم رحت المستشفى اقول لهم اختموا لي هذي الورقه عشان اقدم فيها على التأهيل الشامل

المستشفى رفض وقال لازم تجيب ورقه من عندهم انهم طالبين تقرير وإذا تبغى اكثر من تقرير لازم يكون موضح إنهم يبون اكثر من تقرير
قلت لهم ان هم قالوا لي بس اختموا هذي الورقه وانا عندي التقارير ماصار لها فترة ورفضوا

المهم الحين وش الحل ارجع للتأهيل اقول لهم ابغى خطاب للمستشفى عشان التقرير وهم لما رحت لهم اول مره قال ماتحتاج اوراق بس اختم ورقة التخطيط من المستشفى وارفقها في الموقع وخلاص

اسال الله العلي القدير لك الشفاء العاجل
نعم من الافضل ان تروح التاهيل الشامل وتطلب منهم خطاب موجه لنفس المستشفى بتزويدهم بتقرير عن حالتك .. والمستشفى يجاوبهم بتقرير رسمى عن طريقة بالبريد السعودية ...

سوال لو سمحت . كم سعر السماعات الاذنين التى وجدتها ...

الله يعطيك العافيه استاذي سعودي متقاعد وكل الشكر لك للمشاركه

انا طبعا عندي ضعف متوسط في الأذن اليسرى وهي الي احسها مسببه لي كل المشكله يعني طول الوقت طنين يفجر الراس وما اسمع منها شي إلا اذا صوت مرتفع جدا وقريب اسمعه خفيف ويكون مخربط بعد يعني مش واضح ولما وديت التخطيط حق المحل وشافه الدكتور الي عندهم يقول أنت حتى الأذن اليمين عندك فيها ضعف بس بسيط

قلت له انا ابغى حق اليسار اليمين اسمع منها ومافيها طنين

المهم قال لي فيه انواع والأفضل الديجيتال عشان يكون الصوت واضح وعشان الطنين يروح عنك وصار يقول لي كلام ماعرفت وش يقصد بصراحه قنوات ومادري شنو وكل مازاد عدد القنوات كل ماكان السمع طبيعي

المهم قلت له ابغى شي طيب ويستاهل
وعدد لي اسماء شركات وكأني خبير فيها المهم الي اذكره منهم شركه اسمها فوناك وشركه ثانيه اسمها ستار كي

المهم وسألته عن الأسعار وهنا تفاجأت بصراحه سماعه وحده للأذن اليسار طبعا قال لي 8 قنوات بـ 4100 نسيت اي شركه منهم والشركه الثانيه 5400

قلت له هذي 8 قنوات قال فيه افضل بس السعر اغلى يوصل للسماعه الوحده 11 الف ريال

المهم قلت له الحين يبغى لي اعيد الفحص واتأكد

قال دحنا عندنا لو عاوز الفحص حيكون مجاني وانا بصراحه ابغى انحاش قلت له لا بس عشان اتأكد من الدكتور انا احتاج سماعه او سماعتين لأن انتوا تقولوا احتاج سماعتين والدكتور يقول وحده

المهم ماصدقت طلعت بس بصراحه لو كان عندي قيمتها كان شريتها ولا اجلس كده ما اسمع احد

وربنا يشافي الجميع يارب العالمين

بارك الله فيك
اسال الله العلى القدير باسمائه الحسنى وصفاته العلى ان يشفيك عاجلا غير اجلاً