طيب الحين نجي للكتب الي راح تفيدك كثير
1- Intermediate Vocabulary
هذا يدرسونه في أقسام الانجليزي لأول مستوى يعطيك مجموعة من المفردات على شكل مجموعات ومعه تمارين وحل التمارين برضو موجود في نفس النسخه يعني مايحتاج تشتري كتاب ثاني للحلول . هذي النسخه تبع اللونق مان . لونها اصفر وفيها خط أخضر بالوسط
2- فيه كتاب للفوكابلوري كمان ومره كويس ممكن تدرسه مع هذا وممكن تدرسه بعد هذا وممكن ماتدرسه الي هو vocabulary in use
هذا من كامبردج وهذا يدرسونه ترى برى للي يبون يتعلمون انجليزي .
طبعاً اختار مستوى الintermediate
3- في كتاب grammar in use هذا بعد يمدحونه أنا مالقيته يوم رحت اشتري الكتب فاشتريت بداله real enghlish grammar وطلع كتاب رهيب بعد وماعليه كلام وكلهم مستوى الانترميديات .

هذا بالنسبة للكتب ويتبع

الحين فيه مواقع تعلمك الانجليزية بطريقة جداً ممتعة وهي كالتالي :
عن طريق محادثات مسجله معها نسخه مكتوبة الي عليك تحمل التسجيل الصوتي
وتحفظ النسخه وبكذا تسمع وتقرأ وتحسن نطقك بشكل رهيب وتكسب عبارات كثير
وتحفظها وهذي من أكثر الطرق إفادة بصراحه لأنك بهالطريقة تمارس الانجليزية نوعاً ما .
وممكن تحفظ هالمحادثات وتصير تتسلى فيها وتآخذ العبارات الي فيها وتستخدمها بحياتك اليومية وبامكانك تختار المواضيع الي تبي تسمع محادثات حولها وهذي مجموعة من المواقع تقدم هالخدمات اخوي .

1- http://www.eslpod.com/website/
2- http://www.elllo.org/
وعندك موقع البي بي سي برضو يستخدمون هالطريقة دش على موقعهم وروح لقسم ليرنينق انجلش وبتلاقي شغلات مره حلوة .

أتمنى لك التوفيق ، واتمنى الكل يستفيد لأني مره استفدت من هالمواقع ومنزله التسجيلات ع الاي بود وطبعت المحادثات واتسلى فيها من فترة لفترة واستفدت كثير .

وفي طريقة حلوة بعدين لو تبي تسوي بحث بقووقل ع المواقع الي تقدم خدمات للي يستخدمون الانجليزية كلغة ثانية حط esl وهي اختصار للانجلش أز اسكند لانقوج
وربي يوفقك الجميع