ي شباب اللي سوى المقابلة الشخصية
يعلمنا وش كانت الاسئله
واللي يعرف وش طبيعت الاختبار التحريري في وظيفة مراقب صيانة يقولنا
محتاجين اي شي ممكن يفيدنا ولو معلومة صغيره
شاكرين ومقدرين لكم ، والله يوفقني ويوفقكم أجمعين .

انا سويت المقابلة كانت اسئلة عادية وكانت كلها خمس دقايق بس وقالو من وين انت وتقدرتشتغل تحت الظغط وارسلو لي موعد اختبار يوم الاحد وانا مختبر ومسوي مقابلة امر غريب جدا هذا الاختبار صراحة

قبل شهر عدد المتقدمين وصل الى 300 والاختبار كلة ملفوف عن تواريخ ونقل البضائع وعدد الركاب

اللله يبارك فيكم اجمعين

هل في جديد ياشباب

أنا اختبرت اليوم
كانت الاسماء اللي موجوده فالكشف 100 شخص
لاكن الحضور كان اقل بكثير من هذا الرقم
الظاهر انهم مقسمينها على كم يوم
المهم أن الأسأله كانت تخصصيه بحته
والله أني أنجلطت يوم شفتها
بس الحمد لله ربي جعلي معونه
كانت خمسه أسأله
اللي أذكره
ماهو أنواع اللحام المستخدم في توصيل القضبان
السؤال الثاني يقول أذكر بعض الأجهزه المستخدمه في
صيانة الخطوط الحديده والمحولات
السوال الثالث يقولك أذكر بعض المعدات المستخدمه في صيانة الخطوط الحديديه
السوال الرابع يقولك ماهي مميزات التنقل بالسكك الحديده
السؤال الخامس يقول كيف يتم تركيب سكك الحديد
,
والحمد لله ع كل حال
وفالي وفالكم التوفيق إن شاء الله .

اخ عاصم بن ثابت
الله يعوضك بالافضل منها يارب
وانا قابلتني نفس اللجنه اللي قابلتك
سويت المقابله قبل اسبوع بصبط
انت جاتك الرساله بعد كم يوم من المقابله
عموماً كويس يرسلون مايخلونا معلقين

اليوم ارسلوا لي رساله يقولون فيها نعتذر لعدم قبولك
والله يفرجها علينا وعليكم
وبالتوفيق لجميع المقبولين ..