16-11-2008, 09:52 PM
|
 |
عضو سوبر
|
|
تاريخ التسجيل: Nov 2008
الدولة: الرياض
المشاركات: 398
معدل تقييم المستوى: 8539
|
|
بسم الله الرحمن الرحيم
زميلي ابوه نقيب في الأمن العام في الرياض وسئلته يسئلي ابوه عن نظامهم ووش السالفه عطاني شرح مفصل ..
إن التقديم حق الحج والعمره كانو طالبين فيه 45 متقدم وقال ان الارقام راحت بالواسطات يعني اللي قدم عن طريق النت اللي الله موفقه يستدعونه والباقين كبر مخدتك وارقد يعني النمر قليله تبي تصير كذا الضابط يبي ياخذ ثلاث ارقام العميد ثنعشر رقم والرقيب ست ارقام يعني الشغله واسطات في واسطات يوم قالي كذا تأكدت انهم صحيح اكتفو خلونا نقول بعشرين رقم والباقي بححح بالواسطه ... وقفل الموقع وما نلومهم عشان كذا ..
اما تقديم الأمن حق الثلاثاء القادم وطلباتهم التعجيزيه عشان جندي اتضح لي انه الجندي اللي يبون بيشتغل في المديريه العامه للأمن العام يعني يصير في مكاتب دوامه داخل المديريه مهو جندي خفارات ولا على للومينا ولا نقط تفتيش ... عشان كذا طلعت طلباتهم تقصم ظهر البعير عشان ما يقبلون الا بست اوف ذا بست والله يوفق الجميع ....
وأحب اذكر ان فيه تقديم للأمن العام في شهر خمسه < انتظر يا..طووط.. لمين يجيك الربيع .. والأرقام اللي يبونها خياليه فوق الخمسه الآف هاذي اللي حنا المساكين نقدم عليها..
وهذا وصلى الله وسلم على سيد المرسلين وعلى صحبه ومن وآلآه الى يوم الدين ..
اخوكم يوسف ـآلع ـتيبي .< عأطل خونفوشآري مع مرتبه الشرف
:o
|
العرض العادي
