انا مسجل بجدارة وتقدمت على كذا مفاضلة وخاصة المفاضلة اللي طرحت في 1437/7وانا احمل مؤهل دبلوم محاسبة ( دراسات مالية )من معهد الادارة العامة بعد الثانوية مدة دراستي سنتين وسجلت بجدارة على المرتبة الخامسة ولم يحالفني الحظ ، فعزمت على مواصلة البكالريوس ولم تحسب لي ساعات الدبلوم فدرست البكالوريا من جديد وحصلت على الشهادة تخصص ادارة اعمال وتقدمت على جدارة بمؤهل البكالريوس وتفاجأت انهم حسبوا لي الاقدمية من حصولي على البكالريوس وليس من حصولي على الدبلوم وبكذا ضاعت علي سنوات الاقدمية وفوق هذا لم يحتسبوا لي مؤهل الدبلوم واستبعدوه بالمطلق برغم من ان المؤهلين يصبون في مجرى واحد وهو مجرى الادارة المالية والادارية

المشكلة العظمى صاروا ما ينزلون لي في حسابي بجدارة اي وظائف متعلقة بالمحاسبة برغم ان عندي دبلوم من اكفء المعاهد في المحاسبة الحكومية ودورة 4 اشهر في المحاسبة وتقدير جيد جدا بمعدل 3.75 من 5

وصاروا ينزلون لي الوظائف الادارية فقط وهذا فيه ظلم كبير لي انا درست سنتين بالمعهد و4 سنوات بالجامعة يعني 6 سنوات و4 شهور دورة في المحاسبة

بكذا انا ضعت لا لقيت المرتبة الخامسة بالدبلوم ولا لقتيت السادسة بالبكالريوس والاقدمية ضاعت

وهذي الطريقة المتبعة في نظام جدارة فيها ظلم واضح جدا لا ادري لماذا وضع هذا النظام بهذه الطريقة فمن المعترف في التوظيف ان المتقدم الذي يمتلك على المؤهلات الاكثر هو من يحصل على الوظيفة

وبخصوص المفاضلة المذكور تاريخها في اول الموضوع كان هناك وظايف على المرتبة السابعة تقريبا 200 وشوي اعلن المتحدث الرسمي للوزارة انه لم يتقدم عليها احد شر البلية ما يضحك وهي اصلا لم تنزل في حساب احد ولما اشتكيت على الوزير وتظلمت صرفوني قلت اوكيه طيب جاوبوني على سؤال محيرني المرتبة السابعة مين اللي يحصل عليها اي مؤهل البكالريوس السادسة والماجستير الثامنة اذا السابعة مين

تصدقون رد علي وكيل الوزارة وهو متلخبط قال السابعة لخريجين جامعة الملك فهد للبترول والمعادن ويكون معاهم بعد 3 سنوات خبرة او دورة تعجبت من رده المشكلة يا جماعة وظائف المرتبة السابعة اللي يدور حولها النقاش وحدة ببلدية شرورا محاسبة والثانية بالريث بجيزان كذلك محاسبة هل معقولة واحد متخرج من البترول والمعادن يترك المنطقة الشرقية بشركاتها ومميزاتها ورواتبها المغرية وتملك البيوت ويذهب لشرورا براتب 7 الاف تقريبا" فقط بصراحة عرفت ان الامور زالقة بعد رد وكيل الوزارة خافوا الله كفاية لعب احنا عاطلين لنا اكثر من 20 سنة يا هوه بسبب النظام الفاشل المتبع عندهم

قلولي انتم بالله عليكم ما استحق السابعة اللي بشرورا مثلا" نفس تخصصي ولم يتقدم عليها احد

انا افضفض لكم عما حصل معاي بالله واسوني ولو بدعوه واللي عنده توجيه او نصيحة لا يبخل به علي

الله يوفق كل عاطل بباب رزق طيب ويبارك له فيه

المهندسين حملة البكالوريوس على المرتبة السابعة

المهندسين على المرتبة السابعة طيب اتفق معاك بس هذي وظائفهم فنية واللي اسأل عنه الوظائف الادارية مثل المحاسب او مدقق شئون الموظفين او غيرها من الوظائف الادارية اللي على المرتبة السابعة ما اظن يحطون عليها مهندسين بعد هههههههههه

سلام عليكم

والله انت غلطت اخوي غلط كبيررررر ... كان استشرت قبل كل شي

كان بعد ما اخذت البكالوريوس احتفظت فيها ..

وكل ما يجي تقديم على الدبلوم قدم بما انك عندك اقدميه
وبعد ما تتوظف بفتره ترفع اوراقك على اساس انه معك بكالوريوس وراح تترقى على طول

اعرف ناس كثير عملت نفس الطريقه ..

ونصيحه مني لك اذا تقدر تكمل الماجستير لاتوقف
والله اغلب الشهادات ما بين الدبلوم والبكالوريوس حاليا وتكدس غير طبيعي من العاطلين .

الله يوفقك اخوي ويفرجها عليك ...