السلام عليكم
انا عندي مشكله زوجي مستفيد من الضمان وانا تابعه له وابني
بسبب انه عاجز عن العمل وأيضا عمره مو صغير وخلصنا سنتين وقالو لازم تحديث وحدثنا وعطوه موعد للجنه الطبيه والحمدلله خلصنا وقالو يثبت الضمان دائم بس مانزلو لنا الشهر الماضي الضمان والمقطوعه مقدمين عليه من سنه ونص تقريبا هل ترجع والا لازم من جديد نقدم عليه
وبالنسبه لتاشيره الخادمه قالو تطلع لنا تأشيره وبعد ماخلصنا الأوراق المطلوبه قالو لازم تروحون للتاهيل الشامل ا>ا مافيه اعاقه مايقدر طيب وش دخل الحين التاهيل بالتأشيره حنا مستفيدين من الضمان مو من التأهيل
ابي حل ابي احد يفهمني وش المطلوب لاستخراج التاشيره
والمقطوعه ايش سالفتها
الله يوفق من يرد

عليكم السلام الضمان مايعطي تأشيرة ولادخل له بذلك انما التأهيل الشامل يعطي تأشيرة خادمة او سائق خاص للمستفيدين من اعانة التأهيل الشامل يعني خدمة خاصة بذوي الاعاقةوليس مستفيدي الضمان في انتظار ردود بقية الاخوة فيما يخص المقطوعة ارجوان افدت قدر المستطاع

لا اختي كيف الضمان مايطلع وهو يطلع للمطلقه والارمله وهم يشملهم الضمان مو التأهيل
حتى موظف الضمان يقول أي شخص مشمول بالضمان يطلع له حسب الشروط وطلب من زوجي يروح لخدمه الطالب ويسجل ويطبع بس كاتبين لازم تسجل بخدمه التأهيل مو فاهمه وش المشكله انا محتاجه التأشيره بأسرع وقت

مرحبا
بالنسبه للضمان ادخلي على حسابكم من هنا وشوفي الحاله ويوم 24 او 25 او 26 ادخلي على سجل المستفيد حتلاقي المعاش مسجل
https://eservices.mlsd.gov.sa/#/login/
اذا الحاله قائم ان شاء الله الضمان ينزلكم في 1|4
بالنسبه للتأشيره الضمان ماله علاقه اذا كان زوجك مستفيد من التأهيل واعاقته من ضمن الاعاقات المسموح لها بالاستقدام يعطوه التاشيره ... لكن زوجك ممكن انه فهم غلط من موظف الضمان او ان الموظف فاكر انه من مستفيدي التأهيل
المقطوعه لازم يراجع الضمان ويقدم شكوى لاعادة الطلب الاول بالجهاز وحتى لايضيع حقه بالنسبه للأقدميه و لأنه من المؤكد انه تم انزاله منها وقبل ذلك الاتصال على 19911 ثم الرقم 1 و2و1و2 وسؤالهم عن وضع المساعده هل التاريخ الاول معتمد ام تم الغاءه وطلب رقم الطلب للمساعده وتسجيله بجهاز الجوال او بورقه خارجيه عند الاتصال
بعد ذلك الدخول للموقع من هنا
https://mlsd.gov.sa/ar/query/insurance/maqtuaa_inquery

اذا عمره اقل من 45 سنه ومسمى المرض مدرج بالتاهيل فنصيحتي له ان يقدم على التاهيل وحتى يستفيد من الاعانه بالاضافه للضمان

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره