انت خليك ماشي على طريق المدينة الى ان يجيك تقاطع التحلية تعدى التقاطع وخليك ماشي مثل مانت على طريق المدينة ( يعني امشي على طول لايمين لايسار، المهم انك تعدي تقاطع التحلية) الى ان تلقى عمارة كبيرة تقريبا 15 دور او اكثر مكتوب عليها شركة يوسف احمد كانو.

مسالة تطلع الكوبري او من تحت الكوبري المهم انك تكون على طريق المدينة لاتلف يمين ولايسار.

اظن ان ماخانتني الذاكرة انه اذا من تحت الكبري هتقابل اشارة تقاطع التحلية مع المدينة ويكون اجباري عليك تلف يسار ( يعني تمسك شارع التحلية وتمشي عليه )، وهذا الي مانبغاه

لكن اذاطلعت من فوق الكبري ( ان كان في كبري اصلا ماذكر) هيخليك ماشي على طريق المدينة وهذا هو المطلوب

المهم زي ماقلت وانت على طريق المدينة تعدى تقاطع التحلية وخليك ماشي زي مانت على طريق المدينة الى ان تلقى العمارة.

بالنسبة للاختبار حسب ماقريت في موقع الشركة على النت انه يجتاز المستوى الثالث في الانجليزي وحسب كلام الي كلمني في مركز التدريب انه اختبار الانجليزي عام يعني ماهو في تخصصك

مشكور وجزاك الله خير

بالنسبة لموقع الشركة

هو في طريق المدينة الطالع ( بإتجاة الشمال ) بجوار كوبري المربع بالضبط ( وهو الكوبري اللي بين شارع التحلية وشارع صاري )
بعد شركة عبداللطيف جميل للسيارات توجد محطة بنزين وبعدها مقر الشركة

وطبعاً التقديم عندهم على طول السنة وأغلب التوظيف عندهم قبل بداية السنة الميلادية الجديدة
وعندهم مجالات كثيرة وكبيرة وتعتبر من أقوى الشركات السعودية


بالتوفيق للجميع

مرسي وجزاك الله خير بس نحن ((النواعم)) مالنا نصيب يالله
عوضنا ع الله مرس مرة تانية ياعلي...

يعطيك العافية يااخوي
وموفق ان شاء الله
بس الحمدلله انها مو بالفريجة ماادري الصناعية ههههههههه
تحياتي لك

حسب كلام اسامة الي كتب عن الموضوع اول شي يقول انه شاف ولدين وبنت جالسين يختبروا انجليزي . مادام البنت جالسة تختبر يصير احتمال كبير انهم يوظفوا بنات

بعدين الشركة لها12 فرع وفي مجالات عديدة اعتقد فرع التامين في ظني فيها بنات ( مجرد توقع) كذلك فرع السياحة ممكن يكون فيه

يعطيك العافيه اخووي .. انا رحت سويت اختبار انقليزي .. وسرعه في الطباعه انجليزي . وبعدها سويت مقابله مع واحد بريطاني اسمه .. mr colling على ماعتقد .. وان شاء الله خير .. والله يوفقنا واياكم ..
بالنسبه لمكانهم .. في طريق المدينه الطالع تمسك طريق الخدمات. بجنب مطعم شامي بالضبط .

الله يعطيك الف عافية



وبالتوفيق للجميع

صراحة تعامل راقي وقمة في التعاون مع المتدربين انا رحت وماهو شرط تخصصات معينة بس أهم شي يكون عندك شوية انجليزي يعني تقدر تطقطق.

السلام عليكم مساء الخير جميعا.
بالنسبة للاخوان الي سالوني في الخاص والعام ماقدر افيدكم لاني مارحت اليوم ولاني رايح ( هذا مايعني ان الشركة ماهي زينة ) ، لكن الحمدلله اليوم وقعت عقد مع شركة بالمدينة الي ابغاها وقريبة من البيت والحمدلله .

وداعااااااااااااااااااااااااااا للبطالة .