السلام عليكم ومساء الخير جميعا.
هذا الموضوع تكملة لموضوع الاستاذ اسامة بخصوص شركة كانو العملاقة(المكونة من 12 شركة) حسب ماشفت من موقعهم الالكتروني.
رحت اليوم لهم لكن متاخر ، فقال لي تعال في اي وقت من الساعة9 الى 11 صباحا او من بعد صلاة الظهراو الساعة واحدة( ماذكر) الى الساعة 2، وجب معك سيرة ذاتية وصور من الشهادات وصورة من بطاقة الاحوال وصورتين شخصية او ثلاثة ( ماذكر لاني رحت وانا مافطرت ) << ياخوان الفطور وجبة مهمة جدا جداعلى شان المخ يقدر يجمع المعلومات<<المهم ماطول عليكم فلسفة.وقال لي عندنا فترة تدريب من 3 اشهر الى 9 اشهر(رحت لهم ببكالوريوس محاسبة) وهنعمل لك اختبارات قبول ( انجليزي ومادري وش) وهيعمل معك بعدها مدير مركز التدريب( بريطاني الجنسية) مقابلة هيتحدد فيها الراتب والدوام واشياء ثانية، وبعدها هينسق مع مدراء الشركات الي في المجموعة عشان يعرف فين النقص عندهم وبعدها نعمل لك مقابلة مع مدير الشركة الي هتشتغل فيها.وقالي نقطة مهمة جدا على اساسها جاني دافع اني اكتب الموضوع هذا وهو انهم بيعملوا دورات كل ثلاثة اشهر يعني اربع مرات سنويا( ودعوني استطرد قليلن سبب اخر لكتابة الموضوع انه وقت ماعطيته السيرة الذاتية ماشترط علي خبرة قالي هات اوراقك وتعال اختبر واحنا ندربك)، وقالي انه في ناس ماتتوفق في اختبار الانجليزي ويروحو ياخذو دورة انجليزي ويرجعو ثاني عندنا ويختبروا ويعدو ( هذا حسب كلامه ) .وقالي التقديم مفتوح طوال السنة ماعدا الخميس والجمعة.

وبالنسبة للراتب مثل ماقلت تتحدد معى مدير مركز التدريب ( البريطاني الجنسية)، لكن انقل لكم موضوع من منتددى آخر تكلم عن المكافئات والرواتب(5/2006) كما يلي:
( ولاحد يحاسبني على الكلام المنقول بعدها لاني انا احاول اتوقع وش هي مميزاتهم لكن ماجزم)
وبالنسبة للرواتب في كانو على الشكل التالي:
الجامعي 4500 ريال
الدبلوم 4000 ريال
الثانوية 3500 ريال
وهم لايعتمدون الخبرة كعنصر اساسي بقدر مايعتمدو فترة التدريب
والتدريب جميع المؤهلات تاخذه ماعدا الجامعي اذا كانت دراسته الجامعية باللغة الانجليزية مايحتاج تدريب اما اذا كانت دراستة بالعربي يعطوه تدريب
وهناك بدل مواصلات لمندوبي المبيعات او انهم يعطوه سيارة البنزين والصيانة الدورية وكل شي من عند الشركة
وايضا بدل سكن للعزاب 1000 ريال وكان سابقا 450 ريال وللمتزوجين 1500 ريال وكان سابقا 550 ريال
وفترة التدريب 9 شهور وهناك مكافئات للمتدربين الثانوية 1500 ريال والثانوية 2000 ريال والجامعي 2500 ريال
والدوام في جميع الاقسام من 8 صباحا الى 4 عصرا ماعدا قسم السفريات دوام على فترتين
وافضل الاقسام بالترتيب من حيث المكافئات على الموظفين وانهم يعطو بونص ارباح توزع على شكل ارباح شهرية او سنوية هي كالتالي:
قسم الاليات - القسم التجاري - قسم الغاز والبترول - قسم التحكم والطاقة - قسم قسم السفريات .

وهذا موضوع اخر من الدعآيآت ممنوعة

تعلن شركة يوسف بن احمد كانو ..
عن وجود فرص وظيفية للسعوديين من حملة ..
الدبلوم - وخريجي الجامعات ..
للعمل في التخصصات التالية :


1- لحملة الدبلوم في المحاسبة .
2- لخريجي الجامعات وحملة الدبلوم في :
الهندسة الميكانيكية
الهندسة الكهربائية
هندسة تشغيل وصيانة الآلات
الهندسة الكيميائية


وسيحصل المرشحون على دورات تدريبية داخل مركز التدريب التابع للشركة لمدة ستة أشهر
ثم يلتحق الرشحون بدورات تدريبية على رأس العمل لمدة 12 شهر ...
يحصل خلالها المتدرب خلال فترة التدريب على مكافئة ..

المميزات :

لحملة الدبلوم

راتب اساسي 3500 + بدل سكن (600) للأعزب و (900) للمتزوج ..
مكافئة سنوية ..
علاج مجاني ( في بعض المستشفيات) ..
الخميس والجمعة اجازة ..


لحملة البكلوريوس

راتب اساسي 4000 + بدل سكن (600) للأعزب و (900) للمتزوج ..
مكافئة سنوية ..
علاج مجاني ( في بعض المستشفيات) ..
الخميس والجمعة اجازة ..


والسلام ختام

باارك الله فيك

يعطيك العافيه

وحملة الكفاءة مالهم نصيب

يا الله الله يوفقكم

بارك الله فيك

هذا موقعهم مكاوي وتلقى بكل قسم الشهادات المطلوبة www.kanoojobs.com

وانا اذا رحت اليوم بسئلهم لكن عسى مانسى

وين مكانها من جدة

الله يوفقك ويعطيك العافية

امش على طريق المدينة ( كانك متجه للمطار) بعد تقاطع شارع التحلية ، خلك ماشي وعينك على اليمين الى ان تلقى عمارة كبيرة مكتوب عليها شركة يوسف كانو ادخل من الباب الرئيسي اسال الاستقبال عن مركزالتدريب يدلك عليه اذا وصلت هناك يقابلك واحد وسيع صدر يشرح لك عن الشركة ونشاطها والاجراءات.