السلام عليكم

مسآ الخيرات جميعـاَ

جتني قصيده من الشاعر الحب لولا عيونك البارح

يقول فيـها :

يا صاحبي من جد أنا طفشان جداً بل كثير
وصلت مـعاي من الطفش إني بطب وبنتحر

فكرت آروح الفيصليه وأطلع الدور الآخير
وأطب علـه لو يروح مني ذا القهر

الكون كلـه واقفٍ ضدي وأنا ماني بخير
يالعنبو حالي عقب شيٍ كسرني بالظهر

فكرت آسوق الموتر اللي دعسته من جد غير
وأخش في لمبه وأعرض نفس غيري للخطر

فكرت أعشق بندق الشايب ومير الوضع مير
رصاصة البلجيك مخشوشه ولا أدري بالمقر

وفكرت أطامر نحو موتر جـا من السرعه يطير
وآكتب وصية سامحوه اللي دعسني بالكفر

ياليت لي جنحان وأقلع ثمن أقلع ثم أطير
وأفل جنحاني لعل الظهر كسره ينجبر

قضيتي تجرح بقلبي منذ فتره يالخبير
قضيتي ما هي عن هموم البطاله والفقر

قضيتي سر يا ماجد البارح ببير
يا ماجد الحربي دخيلك قلنا وين المفر

يا ماجد الحربي رفيقي جيت عندك وأستشير
يا ماجد الحربي عليك أحذف عقالي والغتر

وقبل أستشيرك يا رفيقي والله أني بأستخير
وأظلب الرحمن ربي يغفر ذنوب البشر

والذيب لامنه نهش نهشته ماهي كالجعير
مير الجعير الثعلب اللي كل ما يعود مكر

أقول أنا هونت يا ماجد وبطلت أستشير
قررت أروح الفيصليه والله أني منتحر

فـــآ رديت عليه قائلاً :

هلا هلا بالصاحب اللي شوفته من جد غير
يجلى عن النفس الحزينه ضيق همي والكدر

خل الحزن ياخوك ما في الوضع شيٍ يستثير
ومن الحزن كل البشر ما فيهم اللي مستقر

وتسـانك سهير الليل والدرب والثلث الأخير
أسـجد لـربٍ خالق البيـت عـلآم القـدر

فكـاك ضيقات البشر لا توذت من بشر
علآم سر الغيوب وما يخالج بالضمير
أنته ولد قومٍ ليا دك فالعلم النذير
تلقآ مفازع ربعك آاليـا تجلاك الخطر

ولاعاد تطري طاري الشر وآدور مفر
أنت بآيديك العلم يالشخص يالشهم الآمير



خل الهوى يا خوك طرد الهوى ما فيه خير
شفني وأنا مرتاح والحال أشبـه بالمطر

وآاليا نويت الدرب دور على شيٍ يسير
دور على اللي تسعدك في بر ولا فالبحر

وآليا نويت أطب من عالي الدور الأخير
أنــا تــرا طبيــت لآشك إلا بنتحــر

مافيه داعي أقعد أقـالب الراس الشطير
وعبدالله اللي بالوفـا تسد راح ولا منتحر

هذا مرد القـاف وآهجد ترا فالعلم خير
خل الضجر خل الكدر أترك همومك تنثبر



وسلآمتكـم

على الود نلتقي