كم وصلت نقاط ادارة الاعمال

كيف احسب النقاط

متى تعلن النتائج؟

انا توظفت في النيابة قبل 6 شهور عن طريق جدارة وندمت ضغط نفسي لابعد حد
انتظر اكمل سنة وانقل خدماتي لاي جهة حكومية ثانية
انصحكم استخيروا

ماسلبيات و ايجابيات النيابة العامة ؟


ج: لاتوجد سلبيات بمعنى الكلمه ولكن قد يكون العمل في جهاز النيابة العامة مرهق جداً ولكن ان نقلت إلى احدى المحافظات خارج الرياض قد يخف عليك العمل ولكن ان كنت ممن يخلصون بالعمل ستجد الراحه بالعمل وتعشق عملك الوظيفي خصوصا كتاب الضبط بحكم ارتباطهم وقربهم بالمحققين يكون الجو فيه اكشن وتحقيق وفك رموز القضايا وهذه تنمي عندك التركيز وفهم الامور

س:وهل فيها مناوبه الخميس زي ملازم التحقيق ويصرف عليه خارج دوام

ج/ توجد فيـه مناوبات بالخميس والجمعه اذا اشتغل في نفس الدائرة التي تعمل بها ( الادعاء العام ، والتحقيق) اما ان كانت دائرة صغيره لايوجد بها سوى الرقابة على السجون لايوجد تكليف بخميس والجمعة
إلي اذا بدت الدائرة بالعمل بالتحقيق والادعاء العام

ولكن يقسم العمل بين الموظفين بالتكليف يكلف ادارين + محققين او حسب الحاجه


بالنسبة للبدلات يوجد بدلات لكتاب الضبط وهذه ميزة غير موجوده بالجهات القضائية مثل العدل والمظالم وتعتبر ميزة كويسة بالنيابة



نبذه بسيطه عن النيابة والعمل الاداري فيها -
الحضور عند الساعه الثامنه ..ويقفل التوقيع عند الثامنه وخمس دقائق عند الأغلبيه ..لايتجوزون هذا التوقيت ويرسل بالفاكس إلي قسم المتابعة وعند الساعة الثانية والنصف يرسل بالفاكس بيان الانصراف مره اخرى +وعند اكتمال 7 ساعات تاخير يخصم مرتب يوم واحد وعلى هالمنوال طوال السنه ..وترحل عدد الساعات كل شهر إلي الشهر إلذي يليه وتطوى الصحف في نهاية السنه
وكتاب الضبط يعمل اي عمل اداري خارج ايطار المسمى ألذي عينن عليه عند الحاجه إليه في اعمال اخرى .
- الترقيـات جيده في النيابة العامة -


تعامل النيابة العامة مع الموظف الاداري ( اشبه بالقاسي والتشدد ) علماً بان الاوضاع الانضباطيه يشرف عليها المحققين وبعضهم يتاثر بتعامله مع المجرمين ويجعل الوضع بالتشنج جهة الموظف الاداري وان شاء الله مع الوقت يتحسن الحال ونشكر بعض المحققين الذين يستفيد منهم الموظف الاداري من خبرته العمليه والانضباطيه + والتواضع + الحرص على الزمالة في العمل مع الموظفين الادارين


بالنسبة للاخ الذي يقول بانه ندمان على التقديم على النيابة وانها ضغط نفسي ... اكيد راح تواجه ضغط انت مو موظف بالبلدية او هيئة الترفيه انت بـ النيابة وعملها التحقيق في الجرايم الجنائية والوقوف ميدانياً على مسارح الجريمة ومواجهة المجرمين والتحقيق معهم وتوجيه الاتهام لهم ولكن النيابة العامة فيها جوانب ايجابية والموظف الطموح راح تضيف له اشياء تفيده ومنها الجانب القانوني والالمام بالحقوق والانظمة والاستفادة من المحققين واكستاب خبرة خصوصا الان ان النيابة العامة لها استقلاليتها وهذا عطاها هيبة ومكانة وصلاحيات اوسع





وفي النهاية عزيري لا تحطم الاخرين بعد ان رزقك الله وظيفة خلهم يقدمون ومافيه عمل لايخلو من الضغط

اخوي" المدعي العام " الله يصلحك اول شي انا جلست عاطل 3 سنوات وبعدها اشتغلت 5 سنوات قطاع خاص وكرفت لين كرهت عمري وكنت انتظر الوظيفة الحكومية اللي انا فيها بفارغ الصبر والحمدلله هذا فضل ربي
ثاني شي الضغط النفسي اللي اقصده هو ضغط الادارة على الكادر الاداري فقط اما كادر الاعضاء والمحققين ماعليهم اي ضغط من ناحية تاخيرات او اذونات وخارج دوام وانتدابات ..الخ
ثالث شي ماهمني ضغط العمل ولايقارن ابدا بالشركات اللي اشتغلت فيها لانسبة ولاتناسب..
واخيرا انا ذكرت تجربتي كموظف في النيابة وحبيت اوضح لغيري الصوره وبالاول والاخير الرزق بيد الله ما بمنع احد من رزقه وانا نصحت بالاستخاره ثم الاستخاره ثم الاستخاره ..