السلام عليكم ورحمة الله وبركاتة

حبيت اقص عليكم قصة حياتي والله مابي منكم الا الدعاء لي ومنها انكم تتعلمون <<<< امحق

مــواطـــن :

عشت هذه الحياه وانا انظر للعالم بحيويه وفرح <<<< مصدق هو ووجهه

بدأت الحياه وارى فيها المتعه والبراءه بيننا وبدأت الدراسه واول سنه دراسه بدأت تتغير هذه النظره من نظرة ممتعه الى نظره ممتعه بعض الشيء .
انتهيت من الابتدائيه وانا في قمة الفرح والسرور لا اعلم كيف انتهت ولكن ربي ستر والحمدلله

بدأت المرحله المتوسطه من ابتدائي الى متوسط بدأت اتعلم اشياء كثيره والكل يعرفها بس اغلبها اشياء الله لا يوريكم وانهيت المتوسطه وانا في قمة الفرح وكأني متخرج دكتور .

بعدها كبرت ودخلت ثانويه عامه عاد الثانويه العامه تعلمت كل شي تدخين تفحيط تمشيه وهذه هي سن المراهقه قمت وانا اقوووول في نفسي الله لو اخلص الثانويه باصير اكبر صايع على وجه الكره الارضيه مااهتم بشيء اسمه دراسه عالطول باشتغل واصرف على نفسي وافلها وربك يحلها

طبعا قلت في نفسي لازم اجتهد واخذ نسبه اقدر اشتغل فيها في أي وظيفه حكوميه طبعا <<< غير العسكريه حاس انها كرف .

والحمدلله جبت نسبه نوعا ما جيده على وقتي ( 88% ) جيد جدا مرتفع على ايام اختبار الوزارة الصعب وكان ذلك في عام 1422 هـ .

وهذه حياتي وانا مواطن


بـــاطــل :

بعد المرحله الثانويه على نياتي رايح ديوان الخدمه قلت الحين بيوظفوني اطلق وظيفه <<<<< على نياته الوظيفه حاطينها له عند الباب
ورحت وقابلت موظف ديوان الخدمه قلت بالله اخوي شفلي اقرب وظيفه عندكم قال والله مالك الا تنتظر الجرايد اذا بتجي وظايف عندنا بننزلها لكم وتقدمون عليها قلت اوك .

طبعا في وقتها رحت اقدم على على كم كليه وقبلوووني كلية المعلمين وكلية الجبيل الصناعيه وكان امنيتي ارامكو بس ماردو لي خبر الى الان

طبعا رحت كلية المعلمين قلت بامشي حالي فيها الين اشوف لي وظيفه ماودي اكمل دراسه تعبت
طبعا سنه قعدت في المعلمين وفصلوووني لكثرة غيابي في كل مواد الفصل الثاني خذيت حرمان وطردوني مع الباب .
عاد بعدها قعدت فااااضي عايش حياتي داشر ضايع قعدت سنه اطول جازه بحياتي مدتها سنه اخرتها قالي ابوووي شفلك وظيفه ولا كلية الى متى وانت قاعد بحلقي عاد بعدها فكرت فيها ماوراي زواج ماوراي مصاريف قلت ياولد لازم اشوف لي شغله <<<< طبعا الدراسه خلها بعيد عن مخك
اقولكم قدمت على كم شركة وانقبلت بشركة بالجبيل شركة فاشله زي ووجهي خلوني اشتغل سباك واستلم راتب 2500 ريال وقعدت فيها طال عمركم قلت ياالله امشي حالي طبعا هم ماخلووو مكان الا قطوني فيه ينبع , جده , راس تنورة , الجبيل , الرياض زرت المدن هذي كلها وقعدت اشتغل فيها لحساب الشركه وكل الراتب 2500 قلت الله يعين طولت فيها تقريبا سنتين ونفس الراتب بس السنتين كنها 20 سنه .

طبعا قلت ياولد باقعد طول عمري كذا كلمت واحد مصري يشتغل في قسم المحاسبه بالشركة قلت له ابي ورقة تعريف بالراتب قلت له خل الراتب 4000 ريال عشان اخذ لي قرض من البنك وقلت حول في حسابي نفس الراتب وانا باعطيك الفلوووس وانت تحولها بحسابي الزبده كانت كلها بفلوووس الا مصري يخدمك بلاش اودع في حسابي راتب 4000 ريال وخذيت بها تعريف بالراتب واطقلي بذاك القرض بـ 55 الف ريال وبعدها على طووول فصلت من الشركه وقلت لازم ابدأ رحلة التجاره عالم التجاررره .


فــــاااشـــــل :


واقووولكم وفتح حساب في بنك ثاني واودع الفلوووس فيها وافتح محفظه في البنك للاسهم وادخل الاسهم من اكبر ابوابه ووقعدت 4 شهووور صرت من اكبر المضاربين واعطي نصائح انا ووجهي وقمت اتفلسف على الشعب اشتر في ذي وخلال الاربع شهووور ربحت فوووق المائة الف .

وكنت اشوووفه عادي <<<< حاس واحد يقوووول ياثوور ليه ماسحبت راس مالك

واقووولكم كنت في وقته طماع قمت وقعدت بالاسهم صرت اشووووف نفسي مطنوووخ وقعدت مايقارب ست شهووور على وضع حلوووو مررره وخسرت الاسهم وطحت مع الشعب المسكين حاولت اتدارك الموضوووع اقووول بكره بترجع احاول اني اسووي شي ماقدرت الزبده بعتها بسعر زين يعني ماخسرت واجد 45 الف ريال وراس مالي 54 الف ريال .

طبعا الباقي اشتريت فيها سياره لي دفعت نصها والنص الثاني دفعها ابوووي الله يحفظه لي .

طبعا الى الحين محد يدري اني خذيت قرض من البنك .

والى يووومك البنك احاول اسدده مابقى شي سددت نصه بس متووووهق والله يعين كل يوم يتصلوون علي .


مـــكــافـــح :

قلت ادور على وظيفه ولقيت ماطولت جالس بس لقيت عالطووول
بعد مانقبلت قدمت على جامعة الملك عبدالعزيز قسم ادارة وقتصاد <<< الان السنه الثالثه انتساب
ورجعت اداوم وقتها كان راتبي 3000 صافي قعدت فيها سنه ولقيت وظيفه احسن منها بجنب البيت وراتب 4000 ريال وقعدت فيها وبعدها قدمت على شركة كبيرة في الجبيل والحمدلله انقبلت على بند الساعات وان شالله الترسيم صح الراتب فاشل ( 3000) بس لو اصير رسمي اول راتب فوق 6000 وان شالله اكون رسمي قريب نسمع ووعوود ولكن الى الان ماصار شي .

قلت ياولد قلت بدال ماكووون جالس خلني اكمل دبلوووم الحاسب وسجلت في معهد العالميه الدبلووم الشامل سنتين ولحقت على العرض بـ 12000 ريال , والحين اكمل فيها هي وجامعة الملك عبدالعزيز انتساب.

وهذي رحلة الكفاح <<< امحق كفااااح



مبتسم للحياه :

والله ياشباب وانا طول وقتي حتى بالخساره مبتسم حاس اني باصير كبير وان شالله يارب وانا والله ادعي ربي ان يسرها لي في كل شي وسبحان الله دايم اخسر واتعلم صح اغلب حياتي خساره بس اني متــــفــــائــل .


اخوووووووووووووكم ( حيــــاته بـــطـــاله ) واسف على الازعاج :o

طيب حلوووو قصة كفاح جميله
بدايتك كان فيها كبوات >> تزوير وفصل وووووو ألخ

لكن لكل جوااد كبوه

بس رجعت وتعدلت وعرفت وين مصلحتك

واااصل في مسيرة الكفاح وعسى الله يوفقك إن شاء الله

********> وعلى طاري خسارة الأسهم >> ترا غيرك خسر أكثر
يعني إحمد ربك عالنعمه ^^

مس بسه وعاطل فاهم شكرا على مروركم