السلام عليكم

هذه قصيدة اعجبتني في الوصف واخترتها لكم

وانتبهوا على انفسكم ... تراهي مقطعة ولاهي كاملة هههههههه

يعني ( العوض ولا القطيعة )

هي للشاعر الغامدي فهد بن محفوظ



[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كل البنـات لهـن تشاكيـل والـوان= فيهـن حسينـات ٍ وفيهـن بعـد دون

وفيهن حلا سكـر وفيهـن ّ ملحـان =لكن انا لي شرط فـي كـل مزيـون

أبي شعرها سيـل واصيـر عطشـان =والمفرق الاحمر يهفهف علـى هـون

والغـرّه الشبـاك مفتـوح الاركـان =وحواجـب ٍ مثـل الستايـر يـدارون

وعيونها بدريـن فـي كـل الازمـان =تكونوا من كون مـا كـان مسكـون

ورموشها بيت الشعـر دون عمـدان =وخدودها صحـرا بواحـات وعيـون

والجفن مثل الجمر من فـوق نيـران =محلا السواد اللي تحوّط على جفـون

والزلف الى من حطتـه فـوق الاذان =مثل الشفق متمـوّج الشكـل واللـون

والانف شامخ كنّـه سيـوف فرسـان =ريحة نفسهـا منـه نوّيـر ودخـون

وفوق الشفايف خمر يوصلك الادمـان =مثل العنب حالي وصافي ومخـزون

شراب لا يسكـر ولا يذهـب جنـان =والكامل الله شاربـه صـار مجنـون

ورديّـة اللثـة وحمـريّـة لـسـان =ذيبيّـة النابيـن مبيـضّـة سـنـون

والدقن مثل الطعس به جيـب نيسـان =أسود كحبـة خـال بالدقـن مركـون

والعنق عنق الريم من وسـط غـزلان= طويـل جيـد ٍ فيـه حنّـى وكمـون

لفت عليه الشعـر بـه راس ريحـان =وكتوف ضابط راتبـه حـول مليـون

وايدين منهو قال هي ايديـن غلطـان =هذي جناحات الصقـر تسبـح بكـون

والمرفق اللي يرتفـق مالـه اخـوان =والكـف يصفـق والاصابـع يغنـون

والصدر بستانين مـا هـوب بستـان =بستـان رمـان ٍ وبستـان ليـمـون

وما بينهم نهر ٍ جـرت منـه الالبـان =والما يشقـه معتلـي بـه وهـو دون

على الصدر متعلـق ٍ ألـف نيشـان =والظهر من فوق لتحت عطر مدهـون

والساق ساق الخيـل واثـق ومزيـان= وليا مشت قالوا ترى الساق مسكـون

واقدامهـا مـا تمشـي الا بهـا دان =من قبل ما تمشي بـه الـدر مكنـون

ابـي البنـات ان شاهدوهـا بالعيـان =كذا مـن الله مـن حلاهـا يغـارون

لها نسب من خيرة العـرب عربـان =في الصدرمجلسهم وفي الحرب يعدون

الى سالونـي قلـت والنعـم بفـلان =من قوم وقت الضيم تلقى بهـم عـون

باخلاقهـا وعبـادة الله لهـا شــان =بظفر بذات الدين عـن كـل مقـرون

مكمّله بالوصـف مـن رب الاكـوان= اللي خلق هالزيـن بالكـاف والنـون

إذا لقيتوهـا .. فانـا حيـل عجـلان =جيبـوا معاهـا شاهديـن ٍ ومـاذون
[/POEM]



وسلامتكم

منقول


الله اكـبر كـيـف تخدمني الضروف &&& لجـل بنت شفـتها بين الضيوف
من بنات الحور خضبات الكـفـوف &&& حـسنها مع وصـفها شـي كـبـير
أضـحـكت لي واشـرت بنت الحلال &&& وارمشت بالعين غمزة مع دلال
محـتـواها اثـنين حسن مع جـمال &&& ليـتـني اكـسب رضـاها بالمسير
وقــفـت قـالــت تـكــلم باخــتـصار &&& أتعـبـتـني وقـفـتي طـول الـنـهار
لو تقـول وش انـت من أي الـديار &&& ما يهـم ان كـنـت تاجـر آو فـقـير
قــلـت آنا يا بـنـت مـن دار الكـرام &&& من لفـانا قاصـدآ يـلـقى احـتــرام
حــبــنا للـضـيـف تـقـدير وســلام &&& الكرم والجـود وعـكسه ما يصير
قـالـت كـويـتي اضـني ما خطـيـت &&& بــيـن مـمـشـاك جــزم لا نـويـت
شـيـخـكم جـابـر بخـيص بكل بيت &&& ما يداني شوفت احد(ن) مستجير
قـلـت آنا يا بـنـت صعـب تعـرفـين &&& وان عرفـتي ما هـقيتك تبخصين
بالقـبايل والـعـرب وش تـفـهـمين &&& يا هــنــوف يـجــهــلك شـي كثير
قالـت انـت من المـحرق والمنامه &&& ان تكــلم واحـد يــوزن كــلامـــه
يمشي بعـز وشـمـوخ واسـتقـامه &&& الخلـيـفة ومـن يجـاورهـم بـخـيـر
جعـل ربي يحفـضك بنت الأصول &&& ان عرفتي مقصدي شرحه يطول
مقـصدي واضح ولا ضـني يزول &&& لـكـن اخـطـيـتـي بتـحديد الـنضـير
قالت الشـكوى على الله من قـطر &&& يا عـسى سـقـياها سيل مـن مـطر
الــفـخــر فـي أصـلهـم كـل الفخر &&& ديـره ال ثاني عــســاها تـستـنـير
قـلـت والله حـيـرونـي هـالـبـنات &&& ذكــرهـم بالخـير في كـل الصفات
الحـقـيـقة صعـب تحديد السمات &&& بــس تــوك مــا وصـلـتي للـستير
قالت الظاهـر عرفـتـك مـن بعيد &&& وش يـفـيد ان قـلـت والله ما يـفيد
دار زايـد يا عـسى خـيـره يـزيد &&& هـي ديار العـز والخـيــر الــوفـيـر
قلـت والله مـنـيـتي في دار زايد &&& التمـني وان حـصـل صعـب وكـايد
هم هـل الفزعات وأهل للشدايد &&& شيخـهم زايـد ولـه قـدر(ن) كـبـيـر
قالت اسمع لا تـفارق هالمكان &&& ولا تحـاول لـو يـطـول ابك الـزمان
حد علمي من صلاله في عمان &&& انـكــشـفــت وبـيـن الــسـر الخطـير
قلت والله ما وصـلـتي للـجواب &&& وكل وصفـك جاوز حـدود الصعاب
يا عسى مسقط يغطيها سـحاب &&& وتــزدهــر بالخـيـر فـي جـو مـطـير
قالت سعودي وصفك ما يضيع &&& هم هل الشيمة وأهل قدر(ن) رفـيع
كــل بـيـت شــامـل حـب الجميع &&& ديره ابن سـعـود يـحـسـب للـمـجـير
قـلت والله في كــلامـك صـادقـة &&& ديـرتـي يـا بـنـت شـمـس شـــارقـة
كما سحاب ومزن شعشع بارقة &&& مـمـلـكـة والجــود فـيـهـا مـا يـحـير
أضحكت ضحـكة وقالـت واهني &&& مــن بـقـربـك لــو بــسـاعة يهـتـني
والسعودي صعب راسه ينحني &&& وان حــنـى رأســه يـعــلـه للـكـسير

بـو صـالح
شـاعرك وده من بـنات الحـور
صح لسـانه وسلم بنـانك على النقـل
والله يرزق الجميع بالصالحات
كل شي يزول ومايبقى إلا جمــال الروح

بوصالح شـاكرة لك النقل

ولك ايضاً الشكر يامليت على الإضافـة

مروركم على موضوعي أثلج صدري

يعطيكم العافية

قصيدة جميلة جدا تسلم انت والشاعر

الله يعطيكم العافية ... ودمتم بود .. ولكم خالص التحايا

المبرمج نورت الموضوع .. صح بدنك