السلام عليكم ،،،

حبيت اوصل لكم فكرتين بسيطة وهي :

1. الكرف موجود عليك وعلى غيرك !!!
ومستحيل تصير مدير في يوم وليلة .
الصبر ياشباب ، الصبر !

2. كل واحد يسعى على لقمة عيشة ، الرزق مكتوب لك ، والله لو يجي بوش وهيئة الأمم وكل الناس عشان ياخذوا عليك ريال ما بيقدروا !

والسعي للرزق على شكلين :
الأول : إنك تسعى وتسعى وتسعى ،،، وما يجيك إلا اللي لك ولو كان أقل من الجهد المبذول ( في نظرك ، وربنا ما بيظلم أحد ).
الثاني : رزق مكتوب لك ومعلوم ، وأنت ما رحت له ! مثال :
لو أحد اتصل بك وقال ( عندي لك كذا وكذا ) وأنت ما كلفت خاطرك تروح له ، ماراح يجيك ، لو ما اهتميت أنت !
-----------------------------------------------------------------------------------------------
باختصار ....
ماراح ينفعك القصيبي ، ولا برامج سعودة ولا خرابيط !!! ولا راح ينقص من رزقك لو أهل الأرض كلهم اشتغلوا في السعودية أو في الرياض بس !
اللي ربنا كاتبه لك إياه بيجيك ، قل أم كثر .................... خلينا نؤمن بالله ، وبهذا المبدأ !!
-----------------------------------------------------------------------------------------------
هذي قصة حصلت لشخص أعرفه تماماً ...
موظف في مكان ما ، يجيه المشرف على المنطقة ويقول له ، هذا إعلان طلب موظف بديل لك ، صاحبنا يعلقه إلين ما يتمسح الحبر ويشيله ! و لمدة " مش متأكد" من 6 شهور أوأكثر .
إلى أن وجد عملاً أفضل ، وبراتب أفضل ، ودوام أفضل ، ومميزات أفضل ، وبدل ماكان يعبي السيارة نص التانك ، صار يفللها " ما شاء الله"
الله يرزقه ويفتح عليه ، ويبارك لنا وله.

اشكرك اخي على الكلام الرائع وهذا نوع من التحفيز للشباب والله يعينهم

أكيد أخوي هذا الكلام الصحيح
وأنا مطبقة % في المية
مشكور على كلامك المفيد

المحمـد يعـطيـك ألف عـافية أخـوي
كـلامك سليم وفي محلـه
مشكلـتنـا أحيـاناً نتجـاهل هالفكـرة نسياناً أو غفلـه
يكفي أن اللـه وعـد بالرزق لاتقرب لـه العبد
( وقلت استغفروا ربكـم أنـه كـان غفارا، يرسل السمـاء عليكم مدرارا ويمدكم بأمـوال وبنين ويجعل لكـم جـنات ويجعل لكـم أنهـار )

جزاك اللـه خير أخوي المحمد
وأهلً بك في رحـاب البطـالـة

كلام جميل جدا جدا

ولكن ماورى الصبر الا المجرفه والقبر

سنوات ونحن ننتظر وشكلنا ننتظر الى مالا نهايه

يخوك الامل بالله قوووي لكن يجب التحرك والسعي لايجاد وظائف للشبابنا وهذا من حقناااا ياخي ..

.

اللهم يسر ولاتعسر .. ياخير الراحمين

جزاك الله خير .. الله يوفقنا جميعا ويصبرنا

يعطيك العاااااااااااااااااافية

تحياتي