السلام عليكم
حبيت اخذ الراي والنصايح واتمنى الافادة

بخصوص التقديم على العسكرية دورة الضباط للجامعيين (( في وزارة الدفاع وكلية الملك فهد الامنية او اكمل البحث عن الوظايف المدنية لين الله يرزقني ان كانت قطاع حكومي او خاص

وعلما اني متخرج الان لي 10 شهور ولا حصلت وظيفة احتاج نصايح وتوجيه بهذا الخصوص لاني متردد كثير والتخصص الدراسي ( قانون )

واخيرا هل القبول بالعسكرية يعتمد علي المؤهلات الجسدية بشكل كبير ؟ اقصد من ناحية الطول والشكل والامور هذي ولا اهم شي وفق الحد الادنى من الشروط ؟ اتمنى الاجابة من التجارب السابقة

والعذر على الاطالة

أنصحك توكل على الله بعد ماتستخير وتقدم عليها وتشد حيلك فقط تحتاج تكون نشيط وتتحمل لإن راح تكون عندك مسئولية واستلامات 24 ساعة ولازم تكون مرن في العمل
مزايا هذه الوظيفة تبدأ حياتك براتب عالي يبدأ تقريبا من 14 ألف على حسب قطاعك بعكس الوظيفة المدنيه يبدأ راتبك غالبا من 7 آلاف
كثير من زملائي تخرجوا من الكلية الأمنيه من 4 سنوات وماشاء الله مستانسين وأمورهم طيبة أم بخصوص القبول أتوقع إذا حققت الشروط راح تكون نسبة قبولك كبيرة بعد توفيق الله

دام تخصصك قانون انصحك تقدم على النيابة العامة (ملازم تحقيق )الراتب يبدا من10الاف اساسي وكل سنتين تترقى مو مثل المدنية 4 سنوات! العسكرية رواتبها عاليه بس نص الراتب بدلات تروح عليك اذا تقاعدت اما المحقق مافيه بدلات يعني راتبك بعد 10 سنوات حدود 25الف اساسي بدون بدلات زي العسكريه. غير الحصانه الملكية والمكانه والهيبة بين الناس كمحقق وبالاخير استخر والله يوفقك

مشكورين على الرد ماقصرتو الله يعطيكم الف عافية وبالتوفيق للجميع

شوف اخوي قدم واستخير واذا جاك قبول وحسيت وضعك مش ولا بد لاتروح
قدم في كل شي تطيح عليه عينك
اما بخصوص العسكرية وكون قسمك قانون بتكون بنسبه كبيره في الشؤون القانونيه لو حالفك الحظ عملهم حلو
ولو في مكان ثاني برضو الراتب شي مميز لك اي مكان تشتغل فيه مدني اول راتب تستلمه 6056 ريال بينما عسكري اساسي حول 8000 وممكن مع البدلات يوصل 10 الي تحتاج اكثر من 10 سنوات مدني عشان توصلها
فكر بالامور هذي وقدم والله يوفقك