السلام عليكم

بصراحه انا عندي رغبه في انتاج القهوة..
الفكره اني احمس البن واجهزه بخلطه خاصه واقوم بتوزيعه وبيعه والشغل مبدئيا راح يكون من البيت ..

السؤال هل من الضروري عمل سجل تجاري او ترخيص خاصة اننا في البداية ونجاح المشروع غير مضمون
الشي الثاني من وين اجيب مغلفات واكياس القهوه اللي زي مغلف قهوة ذوق ؟
من يدلني على مطبعه تطبع لي بكميات ماتكون كبيره لاني تعبت ادور مالقيت
ولاتقولون ابديء بعلبه او اعملي كيس جاهز مع استكر لان هذ ا غير وارد ابغى بداية تكون مرتبه ونظيفه ..
واللي يدلني هذا بيكون بطل لاني فعلا ماني عارفه وين يطبعون هالاكياس ..

بالنسبه للترخيص كيف الوضع هل لازم محل لان ماعندي راح ابتدي من مطبخ بيتنا

وشنو الاشياء اللي تلزم مثل هالمشروع
وكيف اقدر اعرض المنتج في السوبرماركت ونقاط التوزيع
اللي عنده خبره في هالمجال ربي يوفقه لايقصر واكون ممنونه وشاكره

حياك الله اختي انا افضل انك تبدين وتسوين الخلطة الخاصة فيك وتسوقيها بالمنطقة اللي انتي فيها وعلى جيرانك اذا شفتي شغلك تمام واعجبوا فيها وحصلتي عليها اقبال هنا افتحي سجل تجاري وكملي باقي الخطوات من تغليف واتفاق مع محلات ونقاط التوزيع
واسأل الله سبحانه وتعالى لك التوفيق والرزق الحلال

اخوي نايف تجاوزت هالمرحله وابغى اللي بعدها

حطمتني انا ابغى اعبيها في اكياس واوزعها او اسوي لها دعايه وماعندي معمل حاليا لكن ناويه اسويه بعد ماينجح المنتج وش السواة لازم ترخيص ولا كيف

على حسب علمي انك لازم تطلعي تصريح من وزارة التجارة
واعتقد فيه تصريح للأسر المنتجة
لان المطبعة ماراح تطبع لك الا اذا شافو التصريح
وبذلك تحط رقم التصريح على المنتج وتنزله للمحلات

في أي مدينة أنت؟