مرحبا

الوالد يعمل باحد مكاتب الدعوة والارشاد بالرياض حق المطاوعه ذي

المهم منذ سته اشهر ماستلم راتب وايضا فصلوه تعسفي بداعي اعادة هيكلة المنشأة ..

عنده ورقة تثبت حقوقه كامله وموقعه ومختومه حيث اثبتوا له حقه
وعنده عقد العمل

الان ايش الاطراءات لو اشتكى لمكتب العمل ولم يتجاوبوا لانهم فصلوا ناس قبله واشتكوا وكانوا اجانب ليسوا مواطنين سعوديين مثل الوالد ووصلت دعوتهم للمحكمة العمالية والظاهر اخذوا صكوك او شي زي كذا


طيب مبدئيا خليت الوالد يسوي لي وكالة وبروح اشتكي بمكتب العمل واذا ماتجاوبوا ايش الخطوة التالية ولو وصلنا لمحكمه عمالية وحكم الشيخ لان عنده ورقه بحقوقه كامله هل يسحب من رصيدهم البنكي مثلا ولا خلاص صك ويمسك الباب ؟ ومكتب دعوة وارشاد يتبعون لوزارة الاوقاف والشؤون الاسلامية وين ممكن اشتكيهم


احتاج جميع الجهات القضائية حتى الشرطة لو فيه امكانية تكفون تكفون ناخيكم قهروا الوالد بهالشهر الكريم وبالطريقة السيئة والمفاجئة بالفصل على رغم انه متجمل وساكت سته شهور وواقف معهم بكل ما اوتي من قوة


الله لايوريكم قهر الرجال

إذا يعتبروهم تشغيل ذاتي أو بنظام مؤسسة خيرية :
تشتكي في مكتب العمل تسوية ودية لم تجد حل يحولوك للمحكمة العمالية تستمر إلى ان تاخذ حقوقه كاملة لو اكثر من عشرين الف ريال لك حق الاستئناف لو ما عجبك الحكم لو اقل المبالغ المطالب بها عن عشرين الف ريال لا يوجد استئناف فانتبه اي دليل لازم من بدري يجهز الفرصة واحد أو تدخل في متاهت اللتماس اعادة النظر ولها امور محدده والاكثر لا تقبل في محاكمنا .
إذا الحكم مناسب وحكم بمبالغ تتوجه لمحكمة التنفيذ بعد اخذ الصك النهائي تاخذ حقوقه .
ام إذا كانوا حكومي هنا الاجراءات تختلف :
الدعوى في ديوان المظالم بعد أن تمر بخطوات الشكوى لدى الجهة ووو بنظام الخدمة المدنية .